ভাৰতীয় জনতা পাৰ্টি আৰু ভাৰত চৰকাৰে প্ৰতি বছৰে ২৫ ডিচেম্বৰ সুশাসন দিৱস হিচাপে পালন কৰি আহিছে।কালি সমগ্ৰ অসমৰ লগতে গুৱাহাটীৰ হেঙেৰাবাৰীস্থিত কাৰ্বি যুৱ সংঘ’ৰ মঞ্চত ভাৰতৰত্ন,প্ৰাক্তন প্ৰধানমন্ত্ৰী প্ৰয়াত অটল বিহাৰী বাজপেয়ী দেৱৰ ৯৬ সংখ্যক জন্মদিন উপলক্ষে সুশাসন দিৱস অনুষ্ঠিত হয়।অনুষ্ঠানটোত মুখ্যমন্ত্রী সৰ্বানন্দ সোনোৱাল,মন্ত্ৰী ড০ হিমন্ত বিশ্ব শৰ্মা,ৰাজ্যিক বিজেপিৰ সভাপতি ৰঞ্জিত দত্ত,সাংসদ কুইন ওজা,মন্ত্ৰী পৰিমল শুক্লবৈদ্য,সাংসদ দিলীপ শইকীয়া,সাংগঠনিক সম্পাদক ফনীন্দ্ৰ নাথ শৰ্মা,বিজয় গুপ্তাকে ধৰি বহুকেইজন জেষ্ঠ্য নেতা উপস্থিত থাকে।বৰেণ্য নেতা অটল বিহাৰী বাজপেয়ীদেৱলৈ শ্ৰদ্ধাৰ্ঘ্য নিবেদি পবিত্ৰ মাৰ্ঘেৰিটাই এটি কবিতা পাঠ কৰি অনুষ্ঠানৰ শুভাৰম্ভণি কৰে।অনুষ্ঠানত ৰাজ্যিক বিজেপিৰ সভাপতি ৰঞ্জিত দত্তই ভাষণ প্ৰসঙ্গত এনেদৰে কয়-বাজপেয়ীদেৱৰ সান্নিধ্যই তেওঁক সদায় ৰাইজৰ প্ৰতি কাম কৰি যাবলৈ অনুপ্ৰাণিত কৰি আহিছে।সেই হেতুকে তেওঁ ২০১৬ চনৰ ২৫ ডিচেম্বৰ তাৰিখে ৰাজ্যিক বিজেপিৰ সভাপতি হিচাপে দায়িত্ব গ্ৰহণ কৰিছে।মন্ত্ৰী ড০ হিমন্ত বিশ্ব শৰ্মাই অটল বিহাৰী বাজপেয়ীদেৱৰ আদৰ্শ,ৰাষ্ট্ৰভক্তি আৰু অসমভক্তিৰ যি আদৰ্শ সেই আদৰ্শৰ পৰা বিচ্যুত নহৈ স্থিতপ্ৰজ্ঞৰ দৰে স্থিৰ হৈ থাকিলে অসমত বিজেপি শক্তিশালী হৈ থাকিব বুলি মত প্ৰকাশ কৰে।লগতে কা’ক লৈ মন্ত্ৰীগৰাকীয়ে কয় যে বাজপেয়ীদেৱৰ নেতৃত্বত ৰাজীৱ গান্ধী আৰু প্ৰফুল্ল কুমাৰ মহন্তৰ দিনত যি ভয়াবহ নাগৰিকত্ব সংশোধন হৈছিল তাৰ প্ৰতিকাৰ ২০০৩ চনত বাজপেয়ী ডাঙৰীয়াই কৰি যোৱাৰ ফলতে আজি জাতিটোৰ ৰক্ষা হ’ল।অসমত আৱেগ বিৱৰ্জিত পৰিবেশ গুচি যিদিনাই আলাপ-আলোচনাৰ পৰিবেশ হ’ব সিদিনাই অসমৰ ৰাইজে নৰেন্দ্ৰ মোডী চৰকাৰক শ্ৰেষ্ঠ বুলি বিবেচিত কৰিব বুলিও ড০ শৰ্মাই কয়।মুখ্যমন্ত্রী সৰ্বানন্দ সোনোৱাল ভাষণত এই কথা সদৰি কৰে যে অটল বিহাৰী বাজপেয়ীৰ মানৱতা,সততা,দেশভক্তিৰ বাবেই আজি দেশত সুশাসন চলিছে।তেখেত সকলোৰে আদৰ্শ আৰু তেখেতৰ আদৰ্শৰে ভাৰতীয় জনতা পাৰ্টিয়ে সদায় ৰাইজৰ হকে কাম কৰি যাবলৈ প্ৰতিশ্ৰুতিবদ্ধ।
Trending
- Ford Hospital brings renowned Orthopaedic surgeon to Guwahati
- ব্ৰহ্মপুত্ৰৰ বলুকা চিৰ সেউজ কৰি তুলিছে মঞ্জিত পাতিৰে
- শিল্পী অৰুণ দাসৰ স্বাস্হ্যৰ বুজ ল’লে ৰাজ্যৰ সাংস্কৃতিক পৰিক্ৰমা দপ্তৰৰ মন্ত্রী বিমল বড়াই
- প্রাক্তন খেলুৱৈ, প্ৰশিক্ষক, ক্রীড়া সংগঠক আদিক লৈ অসম এথলেটিকছ এছোচিয়েচনৰ পূৰ্ণাংগ সমিতি ঘোষণা
- গুৱাহাটী প্ৰেছ ক্লাবৰ উদ্যোগত ৰান ফৰ প্ৰাইড শীৰ্ষক অনুষ্ঠান সম্পন্ন
- শিক্ষাৰ ক্ষেত্ৰখনক অধিক টনকিয়াল কৰাৰ স্বাৰ্থত ৰাজ্য চৰকাৰৰ বিদ্যালয় শিক্ষা বিভাগৰ উদ্যোগত শিক্ষা বিষয়া সকলৰ দিনযোৰা কৰ্মশালা অনুষ্ঠিত
- অসমত প্ৰধানমন্ত্ৰী আৱাস যোজনা ( নগৰীয়া)ৰ আশাপ্ৰদ প্ৰদৰ্শন-এইপৰ্যন্ত ২০৭২.৬৭ কোটি টকা ব্যয়, নিৰ্ধাৰিত লক্ষ্যৰ ৮৫.০৪ শতাংশ গৃহৰ নিৰ্মাণ সম্পূৰ্ণ
- ৮৬সংখ্যক ৰামপুৰ আঞ্চলিক ৰাস মহোৎসৱৰ কাৰ্যালয় মুকলি
- নৰ্থ ইষ্ট ইউনাইটেড এফ চিৰ শ্বিলঙত একাডেমী প্ৰতিষ্ঠা হ’ব
- বিদ্যালয় শিক্ষা বিভাগ আৰু উচ্চ শিক্ষা বিভাগৰ উদ্যোগত উচ্চ শিক্ষাৰ অনুষ্ঠান সমূহত Digital Initiatives and Entrepreneurship Development Cell শীৰ্ষক এদিনীয়া কৰ্মশালা অনুষ্ঠিত