কেন্দ্ৰীয় চৰকাৰৰ অসামৰিক বিমান পৰিবহন মন্ত্ৰালয়ৰ আহ্বান মৰ্মে বিমান সেৱা সংস্থা সমূহে অসমকে ধৰি উত্তৰ পূবৰ ৰাজ্য সমূহৰ মাজত বায়ু সেৱাৰ ব্যৱস্থা সুচল কৰিবৰ বাবে ব্যৱস্থা গ্ৰহণ কৰিছে।সেই ব্যৱস্থাৰ অংশ হিচাপে অহা ৩১ মাৰ্চৰ পৰা দেশৰ বিমান সেৱা প্ৰদানকাৰী অন্যতম সংস্থা স্পাইচজেটে গুৱাহাটী আৰু লক্ষিমপুৰৰ মাজত পোনপটীয়াকৈ বিমান চলাচল কৰিব ।সপ্তাহটোৰ আটাই কেইদিনতে চলাচল কৰিবলগীয়া বিমান প্ৰতিদিনে দিনৰ ১১.৩৫ বজাত লোকপ্ৰিয় গোপীনাথ বৰদলৈৰ আন্তজাৰ্তিক বিমান বন্দৰৰ পৰা ৰাওনা হ’ব আৰু এঘণ্টাৰ অন্তত লক্ষিমপুৰৰ লীলাবাৰীৰ বিমান বন্দৰত অৱতৰণ কৰিব।তেনেদৰে বিমান খন দিনৰ ১২. ৫৫ বজাত লক্ষিমপুৰৰ পৰা বৰঝাৰৰ অভিমুখে ৰাওণা হ’ব আৰু এঘণ্টা দহ মিনিট আকাশী পথৰ যাত্ৰাৰ অন্তত বিয়লি ২.৫০বজাত বৰঝাৰস্থিত অৱতৰণ কৰিব।অৱশ্যে বিমানখন কিমান আসনযুক্ত হ’ব স্পাইচজেটে কৰ্তৃপক্ষই ব্যক্ত কৰা নাই যদিও ভাৰা পায় ১৯৩১ টকা হ’ব বুলি সদৰী কৰিছে ।উল্লেখযোগ্য যে লক্ষিমপুৰকে ধৰি উত্তৰ অসমৰ ৰাইজে বৰ্হি ৰাজ্যলৈ বিমান চলাচলৰ বাবে দাবী জনাই আহিছিল।লক্ষিমপুৰলৈ পোনপটীয়া বিমান সেৱা আৰম্ভ হোৱাৰ পিছত উত্তৰ অসমকে ধৰি চুবুৰীয়া অৰুণাচল প্ৰদেশৰ এক বৃহৎ অংশৰ ৰাইজ উপকৃত হোৱাটো নিশ্চিত আৰু দুয়োখন ৰাজ্যৰ পৰ্যটনৰ ক্ষেত্ৰটোও ইতিবাচক প্ৰভাৱ পৰিব।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন
Borhiya khabor.