বিনীশা দেৱীৰ উপন্যাস “ৰক্তৰাগ”ৰ প্ৰেছক্লাৱত আজি বিনীশা দেৱীৰ নৱতম উপন্যাস ৰক্তৰাগৰ শুভ উন্মোচন কৰে ঔপন্যাসিক ফণীন্দ্ৰ কুমাৰ দেৱচৌধুৰীয়ে৷পূৰ্বাঞ্চল প্ৰকাশৰ হৈ নবীন বৰুৱাই প্ৰকাশ কৰা গ্ৰন্থখনৰ উন্মোচনী সভাত মুখ্য অতিথিৰূপে সংগীত শিল্পী, লেখক ডা° অঞ্জনজ্যোতি চৌধুৰী আৰু বিশিষ্ট অতিথি হিচাপে লেখিকা , ঔপন্যাসিক মনালিছা শইকীয়া উপস্থিত থাকে ৷নম্ৰতা শৰ্মাই আঁতধৰা সভাখনত যুগললোচন দাস,অভিজিৎ শৰ্মা,ডা° ৰুবী কটকী,মনমৰমী মহন্ত,ধনজিৎ মেধি,স্বপ্না বেজবৰুৱা, তবিউল হুইছেন ,ড° গীতালি শইকীয়া,মালবিকা চৌধুৰী,ৰীতু গগৈ,শান্তনু বৰুৱা,ড° জগদীন্দ্ৰ ৰায়চৌধুৰী,নৱজ্যোতি ঠাকুৰীয়া, প্ৰিয়ংকা শৰ্মা ,হেমন্ত কুমাৰ দাস ,ভৃগু কুমাৰ দত্ত আদি বহু লোক সন্মানীয় অতিথি হিচাপে উপস্থিত থাকে৷গাম্ভীৰ্যপূৰ্ণ সভাখনত সাংবাদিক দৰ্শনা বৰুৱাই গ্ৰন্থ উন্মোচনী সভাৰ আহ্বায়িকা হিচাপে শলাগৰ শৰাই আগবঢ়াই উপস্থিত সকলোকে কৃতজ্ঞতা জ্ঞাপন কৰে৷গ্ৰন্থখন পাঠকৰ বাবে অনলাইন যোগে এমাজন আৰু ফ্লিপকাৰ্টত উপলব্ধ হ’ব বুলি জানিব পৰা গৈছে৷
