কেন্দ্ৰীয় সংৰক্ষিত আৰক্ষী বাহিনীৰ গুৱাহাটীৰ পশ্চিম প্ৰান্তৰ ৰাণীস্থিত ১৭৫ চি.আৰ.পি.এফ বেটেলিয়ানৰ কমাণ্ডেণ্ট সুভাষ চন্দ্ৰ শৰ্মাক শেহতীয়াকৈ উত্তৰ প্ৰদেশলৈ বদলি কৰা হৈছে। এই উপলক্ষে ৰাণীস্থিত ১৭৫ চি. আৰ.পি.এফ বেটেলিয়ানৰ মুখ্য কাৰ্যালয় চৌহদত যোৱা নিশা অনুষ্ঠিত এক অনুষ্ঠানত কমাণ্ডেণ্ট সুভাষ চন্দ্ৰ শৰ্মাক বিদায় সম্বৰ্ধনা জনোৱা হয়। বাহিনীটোৰ ডেপুটী কমাণ্ডেণ্ট ৰবি শ্ৰীবাস্তব, সঞ্জয় কুমাৰ ৱালাং, মুখ্য চিকিৎসা বিষয়া ডাঃ দীপ্তি বুৰলেকে ধৰি উপস্থিত বিষয়া-জোৱান সকলে তেওঁক গামোছা, ফুলৰ থোপাৰে সম্বৰ্ধনা জনোৱাৰ লগতে সুস্বাস্থ্য আৰু দীৰ্ঘায়ু কামনা কৰে। আনহাতে সম্বৰ্ধনাৰ অনুষ্ঠানত কমাণ্ডেণ্ট শৰ্মাই ২০১৯ চনৰ জুলাই মাহত ৰাণীত কমাণ্ডেণ্ট হিচাপে দায়িত্বভাৰ গ্ৰহণ কৰাৰ পাছত বিগত প্ৰায় ৩ বছৰ ৪ মাহত সহকৰ্মী বিষয়া-জোৱান সকলৰ পৰা লাভ কৰা সহায় – সহযোগিতাৰ কথা সদায় চিৰদিন শ্ৰদ্ধাৰে স্মৰণ কৰিব বুলি সদৰি কৰে। অনুষ্ঠানৰ লগত সংগতি ৰাখি বিদায়ী কমাণ্ডেণ্টৰ সন্মানাৰ্থে এক বৰাখানাৰ আয়োজন কৰা হয়। উল্লেখযোগ্য যে সুভাষ চন্দ্ৰ শৰ্মাৰ স্থানত বাহিনীটোৰ নতুন দিল্লীস্থিত মুখ্য কাৰ্যালয়ে কমাণ্ডেণ্ট ৰবি কুমাৰ ঝাঁক নিযুক্তি দিছে আৰু তেওঁ অহা ২৩ নৱেম্বৰত দায়িত্বভাৰ গ্ৰহণ কৰিব।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে