পৰম্পৰাগত প্ৰাকৃতিক চিকিৎসাৰ সেৱা আগবঢ়োৱা ব্যক্তিজন

প্ৰাচীন আৰ্য়ুবেদ চিকিৎসা অথবা পৰাম্পৰাগত প্ৰাকৃতিক চিকিৎসাৰ জৰিয়তে আমি নিৰোগী জীৱন যাপন কৰিব পাৰো, বিভিন্ন বেমাৰৰ পৰা মুক্ত হ’ব পাৰো। ঘৰৰ বাৰীতে সহজতে পোৱা আদা, হালধিৰ পৰা আদি কৰি বিভিন্ন ফুলেও বিভিন্ন বেমাৰৰ উপশম ঘটায়। অসমত প্ৰাকৃতিক চিকিৎসাৰ ধাৰাটো আগবঢাই লৈ যোৱাত ব্ৰতী হৈছে বৰপেটা হাউলীৰ আচাৰ্য্য পংকজ পাঠক।
 

 
শেহতীয়াকৈ চ’চিয়েল মেডিয়াৰ জৰিয়তে জনপ্ৰিয়তা লাভ কৰা আৰ্য়ুবেদ বিশেষজ্ঞ আচাৰ্য্য পংকজ পাঠকৰ লগত Ne focusৰ ফালৰ পৰা কথা পাতিছিলো.. কিদৰে প্ৰাচীন চিকিৎসা পদ্ধতিটোৰ লগত সম্পৰ্কিত হ’ল জানিব বিচাৰাত তেখেতে এনেদৰে কয়-২০০৮ চনৰ কথা।তেতিয়া মুম্বাইত আছিলো। মোৰ পেটত অসহ্য বিষ হৈছিল। ডাক্তৰক দেখুৱালো, Gall Blader হোৱা বুলি কোৱাত অপা’ৰেচন কৰালো। ইয়াৰ পিছতো কিন্তু পেটৰ বিষৰ পৰা উপশম নাপালো। তাৰ পিছত যেতিয়া পুনৰ ডাক্তৰৰ কাষ চাপো, তেতিয়া ডাক্তৰে কলে যে কেঞ্চাৰ হৈছে। মই ভাগি পৰিছিলো..। তেনেতে এদিন মুম্বাইত থাকোতে দেখা পালো এখন আৰ্য়ুবেদ সম্পৰ্কীয় সভা হৈ আছে। উত্তৰ প্ৰদেশৰ ৰাজীৱ দিক্ষীত নামৰ আয়ুবেদ বিশেষজ্ঞ জনে ভাষণ দি আছে। মই পলম নকৰি তেখেতৰ কাষ চাপি বিৱৰি কও, তেখেতে মোক মহাৰাষ্টৰ সেৱাগ্ৰাম নামৰ এখন আশ্ৰমত লৈ যায়, আৰু তাতে চিকিৎসা আগবঢাই।মই আৰোগ্য হওঁ। লগতে প্ৰাকৃতিক চিকিৎসাৰ সম্পৰ্কে জ্ঞান আয়ত্ব কৰিবলৈ সক্ষম হওঁ। প্ৰায় ১ বছৰ “সেৱাগ্ৰাম” ত থাকো। অৱশ্যে কৰ্মৰ তাগিদাত মই প্ৰায় ১৫ বছৰ মান মুম্বাইত আছিলো। এবছৰ আগতেহে অসমলৈ আহিছো। প্ৰথমে লগৰ বন্ধুসকলক ঘৰুৱা নিদান দিছিলো,তেঁওলোকে উপকৃত হোৱাত মোক ফেচবুকত লিখিবলে অনুৰোধ কৰিলে, মই ফেচবুকত অসমীয়াত লিখা আৰম্ভ কৰো। সেয়াই মোৰ প্ৰথম প্ৰাকৃতিক চিকিৎসা নিদানৰ আৰম্ভণী।
 
 
উল্লেখযোগ্য যে ফেচবুকৰ জৰিয়তে বিভিন্ন বেমাৰৰ ঘৰুৱা চিকিৎসাৰ দিহা আগবঢোৱা আচাৰ্য্য পংকজ পাঠকে বৰ্ত্তমানলৈকে প্ৰায় ২০০০০ মান লোকৰ ৰোগৰ সমিধান আগবঢাইছে। উজনিৰ পৰা নামনি লৈ প্ৰায় ১২ খন জিলাত গৈ প্ৰাকৃতিক চিকিৎসাৰ নিদান দিছে, আৰু সজাগতা সভা অনুস্থিত কৰিছে। স্মতৰ্ব্য যে পোনপ্ৰথমে একমাত্ৰ ফেচবুকৰ জৰিয়তে প্ৰচাৰ চলাই বালাজী মন্দিৰৰ উদ্যেনত এখন সভা অনুস্থিত কৰিছিল। শেহতীয়াকৈ এটা ব্যক্তিগত চেনেলত অনুস্থান সম্প্ৰচাৰিত হোৱাৰ পিছতেই ৰাইজৰ পৰা অভুতপূৰ্ব সহাঁৰি পোৱাৰ কথা জানিবলৈ দিয়ে।

 
আচাৰ্য্য পাঠকৰ মতে এনে কিছুমান মানুহ আছে লাখ লাখ টকা খৰছ কৰিও বেমাৰ পৰা উপশম পোৱা নাই । কিন্তু মই দিয়া নিদানত সম্পূৰ্ণ সুস্থ হৈ উঠিছে । ভবিষ্যতে প্ৰাকৃতিক চিকিৎসাৰ গুণাগুণ সম্পৰ্কে জনসাধাৰণক দ কৈ অৱগত কৰা আৰু ঔষধিগুণসম্পন্ন গছ বন সংৰক্ষণৰ বাবে এখন বাগিচা স্থাপন কৰা পৰিকল্পনা আছে।
 
 
লক্ষ্য যেতিয়া সৎ হয়, সকলোৱে সেই যাত্ৰাৰ সংগী হয় । আচাৰ্য্য পংকজ পাঠকৰ ক্ষেত্ৰতই এইষাৰ কথা প্ৰযোজ্য হ’ল। তেখেতৰ মহৎ উদ্দশ্য সফল হঁওক আগুৱাই যাওক । আমাৰ অলেখ শুভকামনা।