বিদেশত প্ৰকৃতিক ৰক্ষাৰ বাবে প্ৰকৃতি ৰক্ষাৰ আন্দোলন হয়। ফ্ৰান্স, ইংলেণ্ড চৰকাৰো প্ৰকৃতিক সুৰক্ষা দিবলৈ পদক্ষেপ গ্ৰহণ কৰিছে। ভাৰতীয় দৰ্শন অনুসৰি যত জীৱ তত শিৱ বুলি কোৱা হয় যদিও প্ৰকৃততে তেনেকৈ কাৰ্যকৰী হোৱা নাই। প্ৰকৃতিক সুৰক্ষাই মানুহক মহৎ কৰি তোলে। এই মন্তব্য কথা সাহিত্যিক হোমেন বৰগোহাঞিৰ। খানাপাৰাৰ পশু চিকিৎসা মহাবিদ্যালয় প্ৰাংগনত পশু ক্লিনিক উন্মোচন কৰি সাহিত্যিক গৰাকীয়ে এইদৰে মন্তব্য কৰে। সাংবাদিক নন্দন প্ৰতীম শৰ্মা বৰদলৈৰ “সহায়” নামৰ সংস্থাটোৰ জৰিয়তে এই প্ৰকল্পটো আগবঢ়াই নিছে। এই সম্পৰ্কে নন্দন প্ৰতীম শৰ্মা বৰদলৈয়ে কয় যে জীৱ জন্তুক ভালপাও। দুৰ্ঘটনাগ্রস্ত জীৱ জন্তুক চিকিৎসাৰ বাবে বহু সময়ত ব্যৱস্থা কৰি আহিছো। জীৱকূলৰ কথা চিন্তা কৰিয়েই এনে এটা প্ৰকল্পৰ চিন্তা মনলৈ আহে।এই ক্লিনিক খনৰ জৰিয়তে জীৱ জন্তুক চিকিৎসা সেৱা আগ বঢ়োৱা হ’ব। ডাঙৰ জন্তুৰ বাবে ১৬ টা বিশেষ স্থান আৰু পোহনীয়া জন্তুৰ বাবে ৪৮ টা স্থানৰ ব্যৱস্থা কৰা হৈছে। উদ্বোধনী অনুষ্ঠানৰ লগত সংগতি ৰাখি এখন তথ্যচিত্ৰ প্ৰদৰ্শন কৰে। উদ্বোধনী অনুষ্ঠানত উপস্থিত থাকি বিশিষ্ট সাংবাদিক জাৰিৰ হুছেইনে অভিনন্দন জ্ঞাপন কৰে। অনুষ্ঠানত মাইনী মহন্ত,অসম কৃষি বিশ্ব বিদ্যালয়ৰ ড° কমল মল্ল বুজৰবৰুৱাকে আদি কৰি বহুতো ছাত্ৰ ছাত্ৰীয়ে অংশগ্ৰহণ কৰে।
Trending
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ