ঔষধি গুণৰে পৰিপূৰ্ণ নিমখ প্ৰস্তুত কৰি চৰ্চালৈ আহিছে ত্ৰিপুৰাৰ এইজন উদ্যমী

চেনি আৰু নিমখ এই দুয়োটাই মানুহৰ দৈনন্দিন জীৱনত খোৱাৰ বিশেষ উপাদান হিচাপে প্ৰভাৱ পেলায় আহিছে।নিমখ বহুতে খাই ভাল নাপালেও, আহাৰৰ সম্পূৰ্ণতাৰ বাবে নিমখ অতি প্ৰয়োজনীয় । সচৰাচৰ নিমখ বুলি ক`লে বগা আৰু ক`লা নিমখৰ কথা মনলৈ আহে।কিন্তু এই নিমখৰ ব্যৱসায়ে বিভিন্ন জনৰ মাজত জনপ্ৰিয় হৈ উঠিছে উত্তৰ পূবৰ এজন উদ্যমী। জানি সুখী হ’ব যে এই উদ্যমী জনে বাঁহৰ চুঙাত নিমখ ভৰাই এক ব্যতিক্ৰমী ধৰণৰ ব্যৱসায় আৰম্ভ কৰিছে। ত্ৰিপুৰাৰ গোমাতিৰ সমীৰ জামাতিয়া নামৰ এই যুৱক জনে ব্যতিক্ৰমী ব্যৱসায় আৰম্ভ কৰিছে। প্ৰসংগক্ৰমে উল্লেখযোগ্য যে কোৰিয়াত প্ৰায় ১০০০ বছৰ পূৰ্বেই ভিক্ষুসকলে বেম্বো ছল্ট ব্যৱহাৰ কৰিছিল।জামাতিয়ে জনোৱা মতে এই নিমখ ব্যৱহাৰ কৰিলে গাৰ পৰা ওলোৱা দুৰ্গন্ধ, ছাইনাছইটিছ আৰু চুলি সৰাৰ সমস্যা নোহোৱা হয়।এই নিমখৰ প্ৰতি কিলোৰ মূল্য ১২০০ টকা।এক বিশেষ পদ্ধতিৰ জৰিয়তে এই নিমখবিধক পেকেজিং কৰি বজাৰত মুকলি কৰিছে।নিমখবিধ বিভিন্ন ঔষধি গুণেৰে ভৰপূৰ।