কণ্টেইনমেণ্ট জ’নত থকা ৬‌ টা পৰিয়ালক সমাজকৰ্মী তুষাৰ পালৰ অনুদান

চাহ বাগিচা অঞ্চলত ক্ৰমাত ক’ভিড প’জিটিভৰ সংখ্যা বৃদ্ধি পাব ধৰিছে।মৰিয়নিৰ গ্ৰীণ ভিউ চাহ বাগিছাত বৰ্তমানলৈকে প্ৰায় দহ জন লোকৰ দেহত ধৰা পৰিছে ক`ভিডৰ উপস্থিতি।বাগিছাখনৰ ৬টা পৰিয়ালক স্বাস্থ্য বিভাগে তিনি দিনৰ পূৰ্বে হোম কন্টেইনমেন্ট ৰূপে ঘোষণা কৰে।কিন্তু হোম কন্টেইনমেন্ট ঘোষণা কৰা শ্ৰমিকৰ পৰিয়াল কেইটাক প্ৰশাসনৰ তৰফৰ পৰা কোনো ধৰণৰ সাহায্য আগনবঢ়োৱাত ভীষণ সমস্যাৰ সন্মুখীন হৈছে পৰিয়াল কেইটা।পৰিয়াল কেইটাৰ বিষয়ে জানিব পাৰি মৰিয়নিৰ চেলেংহাটৰ সমাজকৰ্মী তুষাৰ পালে আজি হোম কন্টেইনমেন্টত থকা ৬ টা পৰিয়ালক খাদ্য সামগ্ৰী যোগান ধৰে।আনহাতে তুষাৰ পালৰ পদক্ষেপক বাগিচাখনৰ শ্ৰমিক সকলে শলাগ লোৱা লগতে হোম কন্টেইনমেন্টত থকা পৰিয়াল সমুহক সাহায্য আগবঢ়াবলৈ চৰকাৰৰ প্ৰতি আহ্বান জনাইছে।