কামৰূপ কৃষি বিজ্ঞান কেন্দ্ৰৰ এপাৰ্ট প্ৰকল্পৰ উদ্যোগত ২৫ আগষ্টৰ পৰা আজিলৈ “ড্ৰাই গ্ৰীণ্ডিং মেচিন আৰু পৰ্টেবোল ৰাইচ মিল” সন্দৰ্ভত এক দুদিনীয়া প্ৰশিক্ষণ কাৰ্যসূচী অনুষ্ঠিত হয়। এই উপলক্ষে কৃষি বিজ্ঞান কেন্দ্ৰৰ মুৰব্বী ড০ ধীৰেন্দ্ৰ নাথ কলিতাৰ আদৰণি ভাষণেৰে শুভাৰম্ভ কৰা প্ৰশিক্ষণ কাৰ্যসূচীত উপস্থিত থাকে কামৰূপ জিলাৰ কৃষি বিভাগৰ সহকাৰী সঞ্চালক বিমলা প্ৰসাদ দেউৰী, উদ্যান শস্য গৱেষণা কেন্দ্ৰৰ প্ৰধান বিজ্ঞানী তথা চি বি বি অ’ৰ ভাৰপ্ৰাপ্ত বিষয়া ড০ প্ৰমোদ চন্দ্ৰ ডেকা। আনহাতে অনুষ্ঠানটোৰ আঁত ধৰে এপাৰ্ট প্ৰকল্পৰ প্ৰকল্প সহায়ক ড০ মুনমী বৰাই। প্ৰশিক্ষণ শিবিৰত গোৱালপাৰাৰ সৃজনী আৰু ৰংমন কৃষি প্ৰডিউচাৰ কোম্পানীৰ কৰ্মচাৰী-কৃষক আৰু কামৰূপৰ ৰংসং কৃষি প্ৰডিউচাৰ কোম্পানীৰ কৰ্মচাৰী কৃষককে ধৰি সৰ্বমুঠ কুৰি গৰাকী প্ৰশিক্ষাৰ্থী উপস্থিত থাকে। এপাৰ্ট আঁচনিৰ তত্বাৱানত গঠন হোৱা এফ পি চি সকলক স্বাৱলম্বী তথা আয় বৃদ্ধি কৰাৰ উদ্দেশ্যে প্ৰতিজন সদস্যই যাতে প্ৰকল্পৰ অধীনত লাভ কৰা যন্ত্ৰবোৰ মেৰামতি আৰু ৰক্ষণাবেক্ষণ দি নিজাববীয়াকৈ ব্যৱহাৰ কৰিব পাৰে তাৰ উদ্দেশ্যৰে প্ৰশিক্ষণ কাৰ্যসূচী অনুষ্ঠিত কৰা হয় । শিবিৰত সমল ব্যক্তি হিচাপে ভাগলৈ ড০ ৰহিত নামদেও আৰু সহকাৰী প্ৰকল্প বিজ্ঞানী দিবাকৰ মহদিয়ে ব্যৱহাৰিক প্ৰশিক্ষণ আগবঢ়ায় ।
Trending
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত