কামৰূপ জিলা আইন প্ৰাধিকাৰীৰ উদ্যোগত অনুষ্ঠিত হ’ল ধপাত বিৰোধী সজাগতামূলক পদযাত্ৰা

কামৰূপ জিলা আইন সেৱা প্ৰাধিকাৰীৰ উদ্যোগত আৰু বেচৰকাৰী সংস্থা নিলয়ৰ সহযোগত আজি মদনপুৰৰ মদাৰতলা বিদ্যাপীঠ হাইস্কুলত এটি ধপাত বিৰোধী সজাগতামূলক পদযাত্ৰা অনুষ্ঠিত হয়। বিশ্ব ধপাত বিৰোধী দিৱস উপলক্ষে তথা কামৰূপ জিলাৰ জিলা তথা সত্ৰ ন্যায়াধীশ ডাৰাক ঊল্লাহৰ নিৰ্দেশ মৰ্মে উদযাপিত এই অনুষ্ঠানত ড° ৰাজেন্দ্ৰ নাথ খাউণ্ডে সমাজত ধপাতৰ কু-প্ৰভাৱ সম্পৰ্কে ছাত্ৰ-ছাত্ৰী সকলক অৱগত কৰায়। ডেৰ শতাধিক ছাত্ৰ-ছাত্ৰীৰ অংশগ্ৰহণেৰে অনুষ্ঠিত এই অনুষ্ঠানটোত কামৰূপ জিলা আইন সেৱা প্ৰাধিকাৰীৰ কৰ্মচাৰী, মদাৰতলা বিদ্যাপীঠ হাইস্কুলৰ প্ৰধান শিক্ষয়িত্ৰীৰ লগতে বিদ্যালয় পৰিচালনা সমিতিৰ বিষয়ববীয়া সকলে অংশগ্ৰহণ কৰে।