কামৰূপ মহানগৰ জিলাত ই-শ্ৰমৰ পঞ্জীয়নৰ সন্দৰ্ভত পৰ্যালোচনা সভা অনুষ্ঠিত

কামৰূপ মহানগৰ জিলা উপায়ুক্তৰ কাৰ্যালয়ৰ সভাকক্ষত কালি ই-শ্ৰম পৰ্টেলত পঞ্জীয়ন সন্দৰ্ভত এখন পৰ্যালোচনা সভা অনুষ্ঠিত হয়। উক্ত সভাত সভাপতিত্ব কৰি জিলা উপায়ুক্ত পল্লৱ গোপাল ঝাই ৰিক্সা চালক, ঠেলা চালক, গুৱাহাটীৰ ফুট পাথৰ কাষৰ অস্থায়ী দোকানী, মৎস বিক্ৰেতা, আশা কৰ্মী, অংগনবাড়ী কৰ্মী গুৱাহাটী পৌৰ নিগমৰ চাফাই কৰ্মী আদিক সামৰি ১৬ বছৰৰ পৰা ৫৯ বছৰৰ ব্যক্তিসকলৰ ই-শ্ৰমত পৰ্টেলত পঞ্জীয়ন অধিক ক্ষিপ্ৰতাৰে কৰিবলৈ জিলা শ্ৰম বিভাগক নিৰ্দেশ দিয়ে । উল্লেখযোগ্য যে, কামৰূপ মহানগৰ জিলাত বৰ্তমান পৰ্যন্ত ই-শ্ৰম পৰ্টেলত ৯৭,৩৭৮ জন ব্যক্তিয়ে পঞ্জীয়ন কৰিছে। জিলা পৰিষদৰ মুখ্য কাৰ্যবাহী বিষয়া দৰথি সুচিয়াংগ, সহকাৰী শ্ৰম আয়ুক্ত কে দাসকে ধৰি বিভিন্ন বিভাগৰ বিষয়া-বৰ্গ উপস্থিত থকা এই সভাত উপায়ুক্তগৰাকীয়ে ই-শ্ৰম পৰ্টেলৰ বিষয়ে জনসাধাৰণৰ মাজত অধিক সজাগতা সৃষ্টিৰ ওপৰত গুৰুত্ব দিয়ে।