কামৰূপ মহানগৰ জিলা পৰিবহণ বিভাগৰ উদ্যোগত অসম-মেঘালয় সীমান্ত আম্প্ৰীভেলীত বিশেষ শিবিৰ

বাহন চালনৰ অনুজ্ঞা পত্ৰ লাভৰ বাবে গুৱাহাটী মহানগৰীৰ পৰিৱৰ্তে এইবাৰ অসম মেঘালয় সীমান্তৱৰ্তী এক অতি ভিতৰুৱা আম্প্ৰিভেলী অঞ্চলৰ সৰ্বসাধাৰণ ৰাইজৰ সুবিধাৰ্থে অনুস্থিত কৰিলে এক বিশেষ পৰীক্ষণ শিবিৰৰ।উল্লেখ্য যে অসম চৰকাৰৰ পৰিবহণ বিভাগৰ উদ্যোগত সমগ্ৰ ৰাজ্যতে চলি থকা বিশেষ জন সেৱা মাহৰ লগত সংগতি ৰাখি “ৰাইজৰ সেৱা ৰাইজৰ পদূলীত” শীৰ্ষক কাৰ্য্যসুচীৰ অংশ স্বৰূপে কামৰূপ মহানগৰ জিলা পৰিবহন বিভাগে সমগ্ৰ জিলা খনতে যানবাহনৰ নথিপত্ৰ, কৰ পৰিশোধ বিষয়ক ওজৰ নিষ্পত্তি আৰু সুৰক্ষিত যাতায়তৰ স্বাৰ্থত বাহনৰ নথি-পত্ৰ সমূহ ততালিকে উন্নীতকৰণৰ বাবে ঘৰে ঘৰে গৈ সেৱা আগবঢ়োৱাৰ ওপৰিও আজি কামৰূপ মহানগৰ জিলাৰ অসম মেঘালয় সীমান্তৱৰ্তী দণ্ডৰাই ৰাজহুৱা খেল পথাৰত গাড়ী চলোৱাৰ অনুজ্ঞা পত্ৰৰ বাবে বাহন চালনৰ এক বিশেষ পৰীক্ষণ অনুস্থিত কৰে য’ত পূৰ্বতে লাৰনাৰ লাইচেঞ্চ প্ৰাপ্ত প্ৰায় তিনি শতাধিক আবেদনকাৰীয়ে এই পৰীক্ষাত অৱতীৰ্ণ হয়। ইপিনে আজিৰ এই অনুস্থানৰ সৈতে সংগতি ৰাখি পথ সুৰক্ষা সম্পৰ্কীয় এখন সজাগতা সভাও অনুস্থিত হয় সভাত কামৰূপ মহানগৰ জিলাৰ জিলা পৰিবহণ বিষয়া তথা পৰিবহন বিভাগৰ বিশেষ কৰ্তব্যৰত বিষয়া গৌতম দাস উপস্থিত থাকি ৰাইজৰ মাজত পথ সুৰক্ষা সজাগতা সম্পৰ্কীয় বিভিন্ন বক্তব্য আগবঢ়ায়।