কামৰূপ মহানগৰ জিলাৰ ১৭ বছৰ অনুৰ্দ্ধৰ ল’ৰা আৰু ছোৱালীৰ লগতে ১৫ বছৰ অনুৰ্দ্ধৰ ল’ৰা শাখাৰ আন্তঃ বিদ্যালয় ফুটবল প্ৰতিযোগিতা ৪ আৰু ৫ জুলাইত উলুবাৰীস্থিত নেহৰু ষ্টেডিয়ামত অনুষ্ঠিত হয়।প্ৰতিযোগিতাৰ উদ্বোধনী অনুষ্ঠানত ৰাজ্য চৰকাৰৰ ক্ৰীড়া আৰু যুৱ কল্যাণ সঞ্চালকালয়ৰ সহকাৰী সঞ্চালক নৱজ্যোতি বসুমতাৰী আৰু যোগাযোগ বিষয়া বিধান দাস উপস্থিত থাকে।কামৰূপ মহানগৰ জিলাৰ ১৭ বছৰ অনুৰ্দ্ধৰ ল’ৰা শাখাত সৰ্বমুঠ ১৮ খন বিদ্যালয় আৰু ছোৱালীৰ শাখাত ৬ খন বিদ্যালয়ৰ লগতে ১৫ বছৰ অনুৰ্দ্ধৰ ল’ৰা শাখাত ১০ খন বিদ্যালয়ে অংশগ্ৰহণ কৰে।১৭ বছৰ অনুৰ্দ্ধৰ ল’ৰা শাখাত অম্বিকাগিৰি উচ্চতৰ মাধ্যমিক বিদ্যালয়ে দিছপুৰ একাডেমী বিদ্যালয়ক ৫-৩ গ’লত ব্যৱধানত পৰাস্ত কৰে। আনহাতে দিছপুৰ একাডেমীৰ ৫ নম্বৰ জাৰ্চী পৰিহিত অৰচিম হাঞ্চে শ্ৰেষ্ঠ খেলুৱৈৰ সন্মান লাভ কৰে।তদপুৰি ১৭ বছৰ অনুৰ্দ্ধৰ ছোৱালীৰ শাখাত বেতকুছি উচ্চ মাধ্যমিক বিদ্যালয়ে নৰকাসুৰ উচ্চতৰ মাধ্যমিক বিদ্যালয়ক ৫-০ গ’লৰ ব্যৱধানত পৰাস্ত কৰি বিজয়ী দলৰ খিতাপ অৰ্জন কৰে।বেতকুছি উচ্চ মাধ্যমিক বিদ্যালয়ৰ ১১ নম্বৰ জাৰ্চী পৰিহিত মেৰী মেচে শ্ৰেষ্ঠ খেলুৱৈৰ সন্মান লাভ কৰে ।আনহাতে ১৫ বছৰ অনুৰ্দ্ধৰ ল’ৰা শাখাৰ আদৰ্শ জাতীয় বিদ্যালয়ে ড° ৰাধাকৃষ্ণণ একাডেমীক ১-০ গ’লৰ ব্যৱধানত পৰাস্ত কৰি বিজয়ী দলৰ খিতাপ অৰ্জন কৰে আৰু আদৰ্শ জাতীয় বিদ্যালয়ৰ ১০ নম্বৰ জাৰ্চী পৰিহিত পৰশ প্ৰধানে শ্ৰেষ্ঠ খেলুৱৈৰ সন্মান লাভ কৰে । উল্লেখযোগ্য যে উক্ত বিজয়ী বিদ্যালয় কেইখনে আগন্তুক ৰাজ্যিক ভিত্তিত অনুষ্ঠিত হ’বলগীয়া ক্ৰমে দেউকন, পিলিক চৌধুৰী আৰু নৃপেন্দ্ৰ নাৰায়ণ সিংহ সোঁৱৰণী আন্তঃ জিলা বিদ্যালয় ফুটবল দলক কামৰূপ মহানগৰ জিলাক প্ৰতিনিধিত্ব কৰিব।আন্তঃ বিদ্যালয় ফুটবল প্ৰতিযোগিতাৰ সামৰণি তথা বঁটা বিতৰণী অনুষ্ঠানত অসম ফুটবল সন্থাৰ কোষাধ্যক্ষ হীৰেণ গগৈ আৰু প্ৰাক্তন শাৰীৰিক নিৰ্দেশক তথা আৰু ক্ৰীড়া সংগঠক গীতেশ ধৰ উপস্থিত থাকে।
Trending
- অন্ধ্ৰপ্ৰদেশৰ লোক নিৰ্মাণ বিভাগৰ মন্ত্ৰীৰ পলাশবাৰী – চানডুবি পথ পৰিদৰ্শন – অসম চৰকাৰৰ লোক নিৰ্মাণ বিভাগক ভূয়সী প্ৰশংসা
- ধ্ৰুপদী ভাষাৰ মৰ্যাদা অসমীয়া ভাষা
- এয়াৰটেলে স্পামক ক্ৰেক কৰিলে, স্পাম চিনাক্তকৰণৰ বাবে ভাৰতৰ প্ৰথম AI-চালিত নেটৱৰ্ক চলুশ্বন মুকলি কৰিলে
- ষষ্ঠদশ বিত্ত আয়োগৰ অধ্যক্ষলৈ আপৰ স্মাৰকপত্ৰ-অসমক বিশেষ ৰাজ্যৰ মৰ্যাদা দিয়াৰ দাবী আপৰ
- অসম চুক্তি ৰূপায়ণৰ দিশত অসম চৰকাৰৰ বৃহৎ পদক্ষেপ- মুখ্যমন্ত্ৰীক আনুষ্ঠানিক কৃতজ্ঞতা অগপৰ
- NECTAR Conducts STEM Workshop for Meghalaya Teachers, Boosting Science and Tech Education
- নতুনকৈ সৃষ্টি কৰা উপ-জিলা(সম জিলা)ৰ ভাৰপ্ৰাপ্ত অতিৰিক্ত আয়ুক্ত আৰু সহকাৰী আয়ুক্তৰ সামৰ্থ বৃদ্ধি কাৰ্যসূচীৰ সামৰণি অনুষ্ঠানত মুখ্য অতিথি হিচাপে অংশগ্ৰহণ কৰিলে ৰাজ্য চৰকাৰৰ সাধাৰণ প্ৰশাসন আদি বিভাগৰ মন্ত্ৰী ৰণজিৎ কুমাৰ দাসে
- মেঘালয়ৰ নংপোৰ মাৰাংগাৰত শঙ্কৰদেৱ নামঘৰত এমহীয়া পৱিত্ৰ ভাদ মাহৰ নামৰ সামৰণি -নামঘৰৰ উন্নয়নত সহযোগিতা আগবঢ়োৱাৰ বাবে অসমৰ মুখ্যমন্ত্ৰীক প্ৰশংসা
- কামৰূপ মহানগৰ জিলাৰ পাঁচ স্থানত অৰুণোদয় ৩.০ ৰ শুভাৰম্ভ
- বিশ্বকৰ্মা মূৰ্তি নিমজ্জন প্ৰক্ৰিয়া আয়োজন