কৃষি প্ৰধান ৰাণী চাপৰিত প্ৰধানমন্ত্ৰী কৃষি সিঞ্চয়ী যোজনা উদ্বোধন

মহানগৰীৰ পশ্চিম প্ৰান্তৰ আজাৰা ৰাজহ চক্ৰ এলেকাৰ ব্ৰহ্মপুত্ৰৰ মাজৰ কৃষি প্ৰধান অঞ্চল হিচাপে পৰিচিত ৰাণী চাপৰিত কৃষকৰ পানী যোগানৰ সুবিধাৰ বাবে অসম চৰকাৰৰ জলসিঞ্চন বিভাগৰ জৰিয়তে স্থাপন কৰা হৈছে ৩৫ টা সৌৰশক্তি চালিত অগভীৰ নলীনাদ।৪ জুনত একেলগে নলীনাদ সমূহ উদ্বোধন কৰে পশ্চিম গুৱাহাটীৰ বিধায়ক ৰমেন্দ্ৰ নাৰায়ণ কলিতাই । জলসিঞ্চন বিভাগৰ পশ্চিম গুৱাহাটী-পলাশবাৰী সংমণ্ডলৰ দ্বাৰা প্ৰধানমন্ত্ৰী কৃষি সিঞ্চয়ী যোজনাৰ( প্ৰথম পৰ্যায় ) অধীনত কাৰ্যকৰী কৰা ৩৫ টা সৌৰশক্তি চালিত অগভীৰ নলীনাদ উদ্বোধন কৰি বিধায়ক কলিতাই ৰাণী চাপৰি কৃষি ক্ষেত্ৰৰ উন্নয়নৰ বাবে পৰ্যায় ক্ৰমে বিভিন্ন আঁচনি গ্ৰহণৰ আশ্বাস প্ৰদান কৰে। এই উপলক্ষে জলসিঞ্চন বিভাগৰ অধীক্ষক অভিযন্তা ময়ুৰ ভূঞাৰ সভাপতিত্বত অনুষ্ঠিত সভাত পশ্চিম গুৱাহাটী সংমণ্ডলৰ সহকাৰী কাৰ্যবাহী অভিযন্তা নিলাক্ষী দাসে সভাৰ উদ্দেশ্য ব্যাখ্যা কৰে। সভাত জলসিঞ্চন বিভাগৰ পশ্চিম গুৱাহাটী -পলাশবাৰী সংমণ্ডলৰ কেবাজনো অভিযন্তা – বিষয়া আৰু ৰাণী চাপৰিৰ কৃষকসকল উপস্থিত থাকে। উল্লেখযোগ্য যে ৬.৬৬ লাখ টকাৰে নিৰ্মিত প্ৰতিটো আঁচনিৰ পাম্প ক্ষমতা ৩ অশ্বশক্তি আৰু প্ৰতিটোৱে ৪ হেক্টৰ মাটিত পানী যোগান ধৰিব পাৰিব।