গুৱাহাটীৰ পশ্চিম প্ৰান্তৰ আজাৰাস্থিত গিৰিজানন্দ চৌধুৰী বিশ্ববিদ্যালয়ৰ চেন্টাৰ ফৰ লিগেল ষ্টাডিজৰ উদ্যোগত ১৩ এপ্ৰিলত ‘লেক্স ইম্পেৰিয়াম মুট কোর্ট’ প্রতিযোগিতাৰ আয়োজন কৰা হয়।দিছপুৰ আইন মহাবিদ্যালয়ৰ সহযোগত অনুষ্ঠিত এই অনুষ্ঠানত অসম আৰু মেঘালয়ৰপৰা মুঠ ১৮টা দলে নিজৰ আইন পাঠ্যক্ৰমৰ আৰু যুক্তিৰ দক্ষতা প্রদর্শন কৰে। প্ৰতিযোগিতাখনৰ বিচাৰক হিচাপে গুৱাহাটী উচ্চ ন্যায়ালয়ৰ জ্যেষ্ঠ অধিবক্তা ছৰফৰাজ নৱাজ, কিশোৰ কলিতা আৰু এ এছ তপাদাৰ উপস্থিত থাকে। আনহাতে অনুষ্ঠানটো উদ্ধোধন কৰে গুৱাহাটী উচ্চ ন্যায়ালয়ৰ ন্যায়াধীশ কল্যাণ ৰায় ছুৰানাই । অনুষ্ঠানত সম্মানীয় অতিথি হিচাপে ভাগ লৈ ন্যায়াধীশ ছুৰানাই অধিবক্তা হিচাপে অধ্যয়ন আৰু বাস্তৱ জগতৰ আইনী প্রত্যাহ্বানৰ বাবে ছাত্র-ছাত্রীক প্ৰস্তুত কৰাত ‘মুট কোর্ট’ প্রতিযোগিতাৰ গুৰুত্বৰ বিষয়ে আলোকপাত কৰে। অনুষ্ঠানৰ আৰম্ভণিতে আদৰণি ভাষণ প্ৰদান কৰে শ্ৰীমন্ত শংকৰ একাডেমী ছ’চাইটীৰ সভাপতি যশোদাৰঞ্জন দাসে । ইয়াৰ উপৰিও গিৰিজানন্দ চৌধুৰী বিশ্ববিদ্যালয়ৰ আচার্য অধ্যাপক জয়ন্ত ডেকাই জ্ঞান বৃদ্ধিৰ প্রতি শৈক্ষিক দায়বদ্ধতাৰ বিষয়ে উল্লেখ কৰে। তদুপৰি বিশ্ববিদ্যালয়খনৰ উপাচাৰ্য অধ্যাপক কন্দর্প দাসে আইনী প্রতিভাক আগুৱাই লৈ যোৱাত শিক্ষার্থীৰ ভূমিকাৰ কথা উল্লেখ কৰে। অনুষ্ঠানত বহু সংখ্যক ছাত্ৰ – ছাত্ৰী উপস্থিত থাকে।
Trending
- Maiden ‘Rising Northeast Investors’ Summit’ in Delhi
- অমৃত ভাৰত আঁচনিৰ অধীনত নতুন ৰূপত মধ্য অসমৰ হয়বৰগাওঁ ৰেলৱে ষ্টেচন – ২২ মে’ত ভিডিঅ কনফাৰেৰেন্সি যোগে উদ্ধোধন কৰিব প্ৰধানমন্ত্ৰী নৰেন্দ্ৰ মোদীয়ে
- ঐতিহ্যমণ্ডিত ডিব্ৰুগড় চহৰক বিকাশৰ ৰূপান্তৰৰ জৰিয়তে আটকধুনীয়াকৈ সুসজ্জিত কৰাৰ পোষকতা কেন্দ্ৰীয় মন্ত্ৰী সৰ্বানন্দ সোণোৱালৰ
- বাৰিষাৰ প্ৰতিকূল পৰিস্থিতিত যান-বাহন ব্যৱহাৰকাৰীলৈ সতৰ্কবাণী পৰিবহণ বিভাগৰ
- সাংস্কৃতিক বিভাগৰ অধীনৰ বিভিন্ন বিষয়ৰ সন্দৰ্ভত সাংস্কৃতিক মন্ত্রী বিমল বড়াৰ অধ্যক্ষতাত বৈঠক
- Northeast’s Maritime Future Brightens: Union Minister Announces ₹1,500 Crore Investment in Waterway Projects
- খানামুখত পৰীক্ষিত হালৈৰ প্ৰবন্ধ সংকলন ভিন্নসুৰী উন্মোচন
- Celebration of National Technology Day 2025 at DRL-DRDO, Tezpur
- ৰাজ্যৰ বান ব্যৱস্থাপনা প্ৰস্তুতি সম্পৰ্কত পৰ্যালোচনা কৰিলে অসমৰ মুখ্য সচিবে
- ভাৰতীয় সেনা-পৰিয়ালৰ অসামান্য সেৱাৰ প্ৰতি সন্মান জনাই পৰিবহণৰ বিশেষ জনসেৱা কাৰ্যসূচী আৰম্ভ