গুৱাহাটী বিশ্ববিদ্যালয়ৰ স্নাতকোত্তৰ শ্ৰেণীৰ অসমীয়া বিভাগৰ ১৯৯৪ বর্ষত চূড়ান্ত পৰীক্ষাত অৱতীৰ্ণ হোৱা শিক্ষাৰ্থী সকলৰ প্ৰথম বাৰৰ বাবে এখন মিলন সমাৰোহ গুৱাহাটীৰ পাৰ্শ্ববৰ্তী সোণাপুৰস্থিত ব্ৰহ্মপুত্ৰ জাংগল ৰিচৰ্টত ৩ জুলাইত দিনযোৰা কাৰ্যসূচীৰে অনুষ্ঠিত হয় । প্ৰায় ৫০ গৰাকী শিক্ষাৰ্থীয়ে ভাগ লোৱা অনুষ্ঠানত প্ৰায় ২৭ বছৰৰ মূৰত ইজনে সিজনক লগ পায় আবেগিক হৈ পৰাৰ লগতে এদিনৰ বাবে সেই তাহানিৰ বিশ্ববিদ্যালয়ৰ পঢ়া কালৰ দিনবোৰলৈ উভতি গৈ সকলোৱে নষ্টালজিক হৈ পৰে । আনহাতে এই উপলক্ষে ৰিচৰ্টখনৰ সভাগৃহত “সমন্বয়ৰ সাঁকো – ৯৪” শীৰ্ষক অনুষ্ঠিত অনুষ্ঠানটোৰ আঁত ধৰে ক্ৰমে জুবিলী পায়েং, ৰূমঝুম ভূঞা , নুৰন নাহৰ আৰু ডঃ ধ্ৰুৱজ্যোতি গোস্বামীয়ে । অনুষ্ঠানত নিকুমণি বৰুৱা , মানসী বৰ্মন , মালবিকা দাস , ৰাণু কলিতা , জোনা দাস , কন্দৰ্প শৰ্মা , ডঃ তৰুণ শইকীয়া , পদুম ৰাজখোৱা , কল্যাণী ভাণ্ডাৰ কায়স্থকে ধৰি কেইবাজনেও বিশ্ববিদ্যালয়ত অধ্যয়ণৰত সময়ত বিভিন্ন অনুষ্ঠানত পৰিবেশন কৰাৰ দৰে গীত , নৃত্য , হাস্য ব্যংগ কৌতুক , কবিতা পাঠ , আবৃত্তি , আলেখ্য পৰিবেশন কৰি অনুষ্ঠানটো জীপাল কৰি তোলে । আৰম্ভণিতে ১৯৯৪ বেটছৰ যিসকল শিক্ষাৰ্থীৰ বিগত সময়চোৱাত মৃত্যু হল তেওঁলোকৰ বিদেহী আত্মাৰ সদগতি কামনা কৰি এক মিনিট সময় মৌন প্ৰাৰ্থনা জনোৱাৰ লগতে বন্তি প্ৰজ্বলন কৰা হয় । তেনেদৰে যিসকল শিক্ষাৰ্থী বিভিন্ন ৰোগত আক্ৰান্ত হৈ চিকিৎসাধীন হৈ আছে তেওঁলোকৰ আশু আৰোগ্য কামনা কৰা হয় । অনুষ্ঠানৰ লগত সংগতি ৰাখি কেক কটা পৰ্বৰ শুভাৰম্ভ কৰে দুবৰি মহন্তই । আনহাতে প্ৰতি বছৰে জুলাই মাহৰ গ্ৰীষ্মকালীন বন্ধৰ লগত সংগতি ৰাখি যিকোনো এটা দেওবাৰত মিলিত হোৱাৰ বিষয়ে সহমত প্ৰকাশ কৰি অহা ২০২৩ বর্ষত নগাঁওত মিলন সমাৰোহখন অনুষ্ঠিত কৰিবলৈ সিদ্ধান্ত গ্ৰহণ কৰা হয় ।সন্ধিয়াৰ প্ৰাক ক্ষণত জাতীয় সংগীতৰে সামৰণি পৰা অনুষ্ঠানটোত বহু শিক্ষাৰ্থীৰ নষ্টালজিক হৈ বিদায়ৰ মুহূৰ্তত চকুলো নিগৰি পৰা দৃশ্যই এক আবেগিক পৰিবেশৰ সৃষ্টি কৰে ।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে