১৪ নৱেম্বৰ তাৰিখে চানভেলি হস্পিটেলে আনবাৰৰ দৰে এইবাৰো বিশ্ব মধুমেহ দিৱস দিনজোৰা কাৰ্যসূচীৰে পালন কৰে।ৰাতিপুৱা ৮-৩০ বজাত স্কুলৰ ছাত্ৰ-ছাত্ৰী,ৰাইজ আৰু হস্পিটেলৰ কৰ্মচাৰী সকলৰ প্ৰায় ২০০ লোকে মধুমেহ ৰোগৰ সজাগতা কাৰণে এটি দৃষ্টিনন্দন শোভাযাত্ৰা আয়োজন কৰে।ৰাতিপুৱা ৯-৩০ বজাৰ পৰা ১১-৩০ বজালৈ মধুমেহ ৰোগৰ বিনামূলীয়া চিনাক্ত কৰণ শিবিৰৰ আয়োজন কৰে আৰু প্ৰায়ে ১২০ জন লোকে ইয়াত যোগদান কৰে।দিনৰ ১০-৩০ বজাৰ পৰা অনুষ্ঠিত মুকলি সভাখনত সভাপতিত্বত কৰে চানভেলি হস্পিটেলৰ চেয়াৰমেন দ্বীপেন শৰ্মা দেৱে।সভাত মুখ্য অতিথিৰ আসন গ্ৰহণ কৰে ভৱদা দেৱী লোকহিতৈষী নয়াসৰ প্ৰতিষ্ঠাপক সভাপতি আৰু ভাৰতীয় বায়ু সেনাৰ অৱসৰ প্ৰাপ্ত গ্ৰুপ কেপ্তেইন অতুল চন্দ্ৰ বৰুৱা দেৱে।সভাৰ আৰম্ভণিত হস্পিটেলৰ পৰিচালনা সঞ্চালক অভয় চন্দ্ৰ হাজৰিকাই চানভেলিৰ জন্মলগ্নৰ পৰা আজিলৈকে মধুমেহ ৰোগৰ ভয়াৱহতাৰ পৰা ৰাইজক সজাগ কৰিবলৈ লোৱা প্ৰচেষ্টাৰ বিষয়ে চমুকৈ ৰাইজক অৱগত কৰে।বিশিষ্ট অতিথি অতুল বৰুৱা দেৱক সমাজৰ বাবে একক প্ৰচেষ্টাৰ দ্বাৰা গঠন কৰা নিৰাশ্ৰয়া মহিলাৰ বাবে গঠন কৰা চেনেহ আৰু অন্যান্য সামাজিক কামৰ বাবে চানভেলিয়ে এক সম্বৰ্ধনা অনুষ্ঠানৰ আয়োজন কৰে।মুকলি সভাত চানভেলি হস্পিটেলৰ ডায়েবেটিচ বিশেষজ্ঞ ডাঃ মুকল বৰাই ডায়েবেটিছ ৰোগৰ কাৰণ আৰু নিয়ন্ত্ৰণ কৰাৰ বিভিন্ন দিশ সম্পৰ্কে ৰাইজক বুজাই দিয়ে।উপস্থিত ৰাইজৰ ফালৰ পৰা বিশিষ্ট বুদ্ধিজীবি ড° পদ্মপানী আৰু চেনেহৰ কৰ্মকর্তা পৰেশ চন্দ্ৰ দেৱ চৌধুৰীয়ে চানভেলিয়ে কৰি অহা ডায়েবেটিছ ৰোগৰ ব্যাপকতাত সমাজৰ চিকিৎসা সেৱাৰ বাহিৰেও ইয়াৰ নিয়ন্ত্ৰণ কাৰণে কৰি অহা সেৱাৰ বাবে ভূয়সী প্ৰশংসা কৰে।মুখ্য অতিথিৰ ভাষণত অতুল বৰুৱাদেৱে বহুতো সাৰুৱা পৰামৰ্শৰে ৰাইজক ডায়েবেটিচ ভয়াৱহতাৰ বিষয়ে বিশদভাৱে অৱগত কৰে। সভাপতি ভাষণত দ্বীপেন শৰ্মাদেৱে চানভেলিয়ে কৰি অহা সকলো সমাজ সেৱাৰ কামতে সহযোগ আৰু সজ পৰামৰ্শ বাবে ৰাইজক ধন্যবাদ দিয়ে।দুপৰীয়া ১২ বজাৰ পৰা ২ বজালৈ জ্যেষ্ঠ নাগৰিকৰ হৃদয়যন্ত্ৰৰ পৰীক্ষা আয়োজন কৰে আৰু প্ৰায়ে ২০ জনৰো অধিক লোকে নিজৰ স্বাস্থ্য পৰীক্ষা কৰে।মুকলি সভাখনত আঁত ধৰে চানভেলি অতিৰিক্ত সঞ্চালক ৰজনীকান্ত শৰ্মাই আৰু সভাৰ শেষত শলাগৰ শৰাই আগবঢ়াই।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে