বাইক চলাই সমগ্ৰ বাংলাদেশ ভ্ৰমণেৰে ইণ্ডিয়া বুক অৱ ৰেকৰ্ডচত সন্নিৱিষ্ট কৰিলে নিজৰ নাম

জাগীৰোডৰ বিপুল সৰকাৰ নামৰ যুৱকজনে বাইক চলাই এসপ্তাহৰ ভিতৰত সমগ্ৰ বাংলাদেশ ভ্ৰমণ কৰি ইণ্ডিয়া বুক অৱ ৰেকৰ্ডচত নিজৰ নাম সন্নিৱিষ্ট কৰিবলৈ সক্ষম হৈছে । উল্লেখ্য যে বিপুল সৰকাৰে হ’ল প্ৰথমগৰাকী ভাৰতীয় যিয়ে এনেদৰে সাত দিনৰ ভিতৰত বাইক চলাই এই কৃতিত্ব অৰ্জন কৰিবলৈ সক্ষম হৈছে ।অসমৰ এই গৰাকী যুৱকক উৎসাহ জনোৱাৰ উদ্দেশ্যে বাংলাদেশৰ চিটিজি বাইকাৰ ক্লাৱৰ তৰফৰ পৰা বিশেষ ভাৱে সম্বৰ্ধনা জনায় । বাইকাৰ্চ জনে অনাগত দিনত বাইক ৰাইডিঙৰ জৰিয়তে অসম পৰ্যটনৰ হৈ কাম কৰাৰ ইচ্ছা প্ৰকাশ কৰে। বিপুলে কয় যে সমগ্ৰ বাংলাদেশ বাইকেৰে ভ্ৰমণ কৰা তেওঁ প্ৰথম ভাৰতীয়। এই ভ্ৰমণ কাৰ্যসূচী সাতদিনীয়া আছিল। মোৰ ভ্ৰমণ ১৯ জুলাইত আৰম্ভ কৰি ২৬ জুলাইত সমাপ্ত হৈছিল।বাংলাদশ CTG ৰাইডিং কমিনিউটিৰ তৰফৰ পৰা সম্বৰ্ধনা আৰু সন্মান জনোৱা হৈছিল।