পথ সুৰক্ষাৰ ক্ষেত্ৰত গুৰুত্ব প্ৰদান শিৱসাগৰ জিলা প্ৰশাসনৰ

শিৱসাগৰ জিলাৰ উপায়ুক্ত মেঘ নিধি দাহলৰ নিৰ্দেশানুসাৰে যোৱা ৯ ছেপ্টেম্বৰত জাৰি কৰা এক পত্ৰ যোগে দুচকীয়া বাহনৰ আৰোহীৰ জীৱনৰ নিৰাপত্তা তথা পথ সুৰক্ষাৰ প্ৰতি লক্ষ্য ৰাখি শিৱসাগৰ জিলাৰ সমূহ তেল ডিপোৰ স্বত্বাধিকাৰীক হেলমেট পৰিধান নকৰা কোনো আৰোহীক কোনো কাৰণতেই যাতে তেল যোগান ধৰা নহয়, তাৰ আধাৰত No Helmet, No fuel নীতি এতিয়াৰে পৰা কঠোৰভাৱে পালন কৰিবলৈ নিৰ্দেশ প্ৰদান কৰা হয়। এই নীতি তৎকালীন ভাৱে বলৱৎ কৰা হৈছে।উল্লেখযোগ্য যে, এই নীতি অমান্য কৰা তেল ডিপোসমূহৰ ওপৰত বিধিগত ভাৱে কঠোৰ শাস্তিমূলক ব্যৱস্থা গ্ৰহণ কৰা হ’ব।