অসম কৃষি বিশ্ববিদ্যালয়ৰ অন্তৰ্গত কাহিকুছি উদ্যান শস্য গৱেষণা কেন্দ্ৰৰ উদ্যোগত কামৰূপ জিলাৰ পলাশবাৰী নহিৰাত যোৱা ২ ছেপ্তেম্বৰত বিশ্ব নাৰিকল দিৱস উদযাপন কৰে। কাহিকুছি উদ্যান শস্য গৱেষণা কেন্দ্ৰৰ ভাৰপ্ৰাপ্ত মুখ্য বিজ্ঞানী ড০ যোগেশ চন্দ্ৰ নাথে নাৰিকলৰ পুলি ৰোপন কৰি কাৰ্যসূচীৰ শুভাৰম্ভ কৰে। শুভাৰম্ভ কৰি নাথে ভাষণ প্ৰসঙ্গত নাৰিকলৰ উপকাৰিতা বিষয়ে উল্লেখ কৰি নাৰিকল এবিধ অৰ্থকাৰী বহুবৰ্ষী শস্য আৰু কল্পবৃক্ষ হিচাপে স্বীকৃত হেজাৰৰো অধিক গুণ থকা নাৰিকল খেতি কৰি অৰ্থনৈতিকভাৱে স্বাৱলম্বী হবলৈ কৃষকসকলক আহ্বান জনায়। লগতে নাৰিকলৰ পৰা প্ৰস্তুত কৰা খাদ্য সন্দৰ্ভত বিশ্ব নাৰিকল দিৱসত অংশ গ্ৰহণ কৰা মহিলাসকলক প্ৰেৰণা জগোৱাৰ লগতে আগবাঢ়ি আহিবলৈ আহ্বান জনায়। অনুষ্ঠানত গৱেষণা কেন্দ্ৰৰ কণিষ্ঠ বিজ্ঞানী ৰিংকুমণি ফুকনে নাৰিকল খেতিৰ প্ৰণালী যেনে জাত নিৰ্বাচন, মাতৃগছৰ নিৰ্বাচন পদ্ধতি, নাৰিকল বীজ দিয়াৰ নিয়ম, পুলিৰ বাচনি আৰু ৰোপন সময়, পুলিৰ দুৰত্ব, গাতৰ আকাৰ, নাৰিকলত সাৰ প্ৰয়োগ, পানীৰ যোগান আদিৰ বিষয়ে বিস্তৃত ব্যাখ্যা দাঙি ধৰে। অনুষ্ঠানত আন এগৰাকী বিজ্ঞানী ড০ সমীৰণ পাঠকে নাৰিকল খেতিত আক্ৰমণ কৰা বিভিন্ন পোক পৰুৱা, বেমাৰ আজাৰ আৰু ইয়াৰ প্ৰতিকাৰৰ বিষয়ে বিতংকৈ ভাষণ প্ৰসঙ্গত উল্লেখ কৰে। উক্ত অনুষ্ঠানৰ আঁতধৰে স্থানীয় যুৱক তথা জ্ঞান-বিজ্ঞান নামৰ স্বেচ্ছাসেৱী সংগঠনৰ কামৰূপ জিলা সভাপতি মুনীন্দ্ৰ চন্দ্ৰ দাসে আৰু অনাতাৰ শিল্পী সুনীল দাসে এটি কামৰূপীয়া লোকগীতৰে অনুষ্ঠানটোৰ শুভাৰম্ভণী কৰে। উক্ত নাৰিকল দিৱসৰ লগত সংগতি ৰাখি এটি প্ৰশিক্ষণ শিৱিৰো অনুষ্ঠিত কৰে। উক্ত প্ৰশিক্ষণ শিৱিৰত প্ৰায় ৫০ গৰাকী পুৰুষ-মহিলাই অংশ গ্ৰহণ কৰে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে