দেশৰ প্ৰধানমন্ত্ৰী নৰেন্দ্ৰ মোদীৰ জন্মদিন উপলক্ষে দেশজুৰি ভাৰতীয় জনতা পাৰ্টিয়ে উদযাপন কৰি অহা “সেৱা পষেক” কাৰ্যসূচীৰ লগত সংগতি ৰাখি দক্ষিণ কামৰূপ জিলা বিজেপিৰ উদ্যোগত বাটৰহাটস্থিত জিলা কাৰ্যালয়ৰ প্ৰেক্ষাগৃহত আজি ‘প্ৰবুদ্ধ ব্যক্তি সন্মিলন’ অনুষ্ঠিত হয়। এই উপলক্ষে দক্ষিণ কামৰূপ জিলা বিজেপি সভাপতি ধনেশ্বৰ তালুকদাৰৰ সভাপতিত্বত অনুষ্ঠিত হোৱা সভাত ৰাজ্যিক বিজেপিৰ সভাপতি ভৱেশ কলিতাই উপস্থিত থাকি প্ৰধানমন্ত্ৰী নৰেন্দ্ৰ মোডীৰ জন্ম দিনৰ কথা উল্লেখ কৰি দেশ তথা জনসাধাৰণৰ সেৱাৰ বাবে যিধৰণে উন্নয়ণ মূলক কামত ব্ৰতী হৈ আছে তাৰ ওপৰত ভাষণ প্ৰসঙ্গত বিশদভাৱে আলোকপাত কৰে। অনুষ্ঠানত পলাশবাৰী সমষ্টিৰ বিধায়ক হেমাংগ ঠাকুৰীয়া, ৰাজ্যিক বিজেপি যুৱ মৰ্চাৰ সাধাৰণ সম্পাদক হিমাংশু শেখৰ বৈশ্য, অনুসূচীত জাতি মৰ্চাৰ ৰাজ্যিক উপ-সভাপতি কুশলজ্যোতি মালাকৰ, ৰাজ্যিক কৃষাণ মৰ্চাৰ উপ-সভাপতি ৰাজেন নাথ, আই.টি.ডি.পিৰ অধ্যক্ষা লাৱন্য বড়ো, ৰাজ্যিক কাৰ্যনিৰ্বাহক অনুপ মেধিৰ লগতে বহুসংখ্যক দলীয় নেতা-কৰ্মী উপস্থিত থাকে। ইয়াৰ পিছতে সাংবাদিকৰে হোৱা আছুতীয়া সাক্ষাৎকাৰত সভাপতি ভৱেশ কলিতাই অহা ৮ অক্টোবৰত বিজেপিৰ নতুন ৰাজ্যিক কাৰ্যালয়টো বিজেপিৰ ৰাষ্ট্ৰীয় সভাপতি জেপি নাড্ডা আৰু অমিত শ্বাহৰ দ্বাৰা উদ্ধোধন কৰা হ’ব বুলি কয়। এই কাৰ্যসূচীটোৰ কাৰণে বিজেপিৰ বৃহৎ যোগদান কাৰ্যসূচীটো স্থগিত ৰখা হৈছে বুলি মন্তব্য কৰে ৰাজ্যিক সভাপতি ভৱেশ কলিতাই। আনহাতে কংগ্ৰেছ শূন্য হ’বলৈ ধৰা বিষয়টো প্ৰশ্ন কৰাত সভাপতি কলিতাই জাকিৰ হুছেইন চিদ্দিক, ৰেকিবুদ্দিন আহমেড, ৰকিবুল হুছেইন, ৱাহজেদ আলি চৌধুৰীৰ দৰে সংখ্যালুঘু বিধায়ক কেইজনহে কংগ্ৰেছত থাকিব বুলি মন্তব্য কৰে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে