পলাশবাৰী ৰাস মহোৎসৱৰ শ্ৰীশ্ৰী কৃষ্ণ মন্দিৰৰ নিৰ্মাণ কাৰ্যৰ শুভাৰম্ভ

ঐতিহ্যমণ্ডিত পলাশবাৰী ৰাস মহোৎসৱৰ স্থায়ীভাৱে শ্ৰীশ্ৰীকৃষ্ণ প্ৰভুৰ মন্দিৰ নিৰ্মাণৰ কাম আজি পুনৰ আৰম্ভ কৰা হয়। প্ৰায় ২ কোটি ব্যয় সাপেক্ষে নিৰ্মাণ হবলগীয়া শ্ৰীশ্ৰী কৃষ্ণ মন্দিৰৰ পুন: নিৰ্মাণ কাৰ্য মাংগলিক কাৰ্যসূচীৰে লাইখুটা স্থাপন কৰে পলাশবাৰী সমষ্টিৰ বিধায়ক হেমাংগ ঠাকুৰীয়াই।লাইখুটা স্থাপন কৰি বিধায়ক ঠাকুৰীয়াই পলাশবাৰী ৰাস মহোৎসৱে নানা ঘাট- প্ৰতিঘাটৰ মাজেৰে গৌৰৱোজ্জ্বল ৭৬ বৰ্ষ অতিক্ৰম কৰি এক সুকীয়া মাত্ৰা বহন কৰিছে বুলি মন্তব্য কৰে। লগতে ৰাস মহোৎসৱৰ শ্ৰীশ্ৰী কৃষ্ণ মন্দিৰৰ মূল মণ্ডপ পুন: নিৰ্মাণ কাৰ্যৰ আধাৰশিলা স্থাপন কৰি গৌৰৱ অনুভৱ হোৱা বুলি মন্তব্য কৰে বিধায়ক গৰাকীয়ে। উক্ত কাৰ্যসূচীত পলাশবাৰী পৌৰসভাৰ পৌৰপতি ৰীণা দাস কলিতা, উপ-পৌৰপতি ভাস্কৰ কলিতা, ৭৬ তম্ পলাশবাৰী ৰাস মহোৎসৱৰ সভাপতি মণিময় কৰ, কাৰ্যকৰী সভাপতি লক্ষ্মী কাকতি, সাধাৰণ সম্পাদকদ্বয় পংকজ দাস, অৰূপ দাসকে ধৰি ৰাস মহোৎসৱ সমিতিৰ বিষয়ববীয়া, সদস্য তথা অঞ্চলটোৰ ৰাইজ উপস্থিত থাকে।