প্ৰতিষ্ঠা দিৱস সম্পন্ন

দক্ষিণ কামৰূপৰ উপৰহালীস্থিত চিলাৰায় ভৱন প্ৰাঙ্গনত দক্ষিণ কামৰূপ জিলা আৰু পলাশবাৰী আঞ্চলিক সমিতিৰ সহযোগত খিলঞ্জীয়া অধিকাৰ সংগ্ৰাম সমিতি, অসমৰ পঞ্চম বাৰ্ষিক প্ৰতিষ্ঠা দিৱস আজি দিনযোৰা কাৰ্যসূচীৰে উদযাপন কৰে। ৰাতিপুৱা পতাকা উত্তোলন, স্মৃতি তৰ্পনৰ লগতে বিভিন্ন কাৰ্যসূচী ৰূপায়ণ কৰে। ইয়াৰ পিছতে সংগ্ৰাম সমিতিয়ে পঞ্চম বাৰ্ষিক প্ৰতিষ্ঠা দিৱসৰ লগত সংগতি ৰাখি এখন সংবাদ মেল আয়োজন কৰে।দক্ষিণ কামৰূপ জিলা সমিতিৰ সাধাৰণ সম্পাদক মন্টু আলীয়ে আঁত ধৰা সংবাদ মেলখনত কেন্দ্ৰীয় সভাপতি ৰমেশ মালীয়ে অসমৰ বিভিন্ন খিলঞ্জীয়া জাতি জনগোষ্ঠী বাসভূমি অসমক পুনৰ দ্বিখণ্ডিতকৰণ কৰা কাৰ্য বন্ধ কৰা, বিভিন্ন খিলঞ্জীয়া জাতি জনগোষ্ঠীৰ ভাষা সাহিত্য আৰু সংস্কৃতিৰ সংৰক্ষণৰ ব্যৱস্থা কৰা আৰু প্ৰতিটো জতি জনগোষ্ঠীক ন্যাৰ্য প্ৰদান কৰা, অবৈধ ভাৱে প্ৰৱেশ কৰা অনুপ্ৰৱেশকাৰী সকলক বিদেশী বিতৰণ আইন ১৯৫১ আধাৰত বহি:স্কাৰ কৰা আদি বিভিন্ন ২০ দফীয়া দাবী সমূহ উত্থাপন কৰি ৰাজ্য চৰকাৰক কাৰ্যকৰী কৰিবলৈ সংবাদ মেলৰ জৰিয়তে আহ্বান জনায়‌। সংবাদ মেলত দক্ষিণ কামৰূপ জিলা, পলাশবাৰী আঞ্চলিক সমিতিৰ বিষয়ববীয়াসকল উপস্থিত থাকে।