বোকাখাতৰ নৱনিযুক্ত মহকুমা আৰক্ষী বিষয়াৰ সৈতে সাংবাদিকৰ সাক্ষাৎ

বোকাখাতৰ নৱনিযুক্ত মহকুমা আৰক্ষী বিষয়া অনিতা হাজৰিকাৰ সৈতে কালি বোকাখাত মহকুমাৰ সাংবাদিকসকলৰ এক সৌজন্যতামূলক সাক্ষাৎ অনুষ্ঠিত হয়৷ ক’ভিডৰ নীতি-নির্দেশনা পালন কৰি অনানুষ্ঠানিকভাৱে আৰক্ষী বিষয়া গৰাকীক এখন গামোচাৰে আদৰণি জনোৱা হয়৷ পূৰ্বে নগাঁৱৰ উপ আৰক্ষী অধীক্ষক হিচাপে কাৰ্যনিৰ্বাহ কৰি অহা বিষয়া গৰাকীয়ে মহকুমাটোত কর্মৰত সময়খিনিত সাংবাদিকসকলৰ সহযোগিতা কামনা কৰে৷ অনুষ্ঠানত অসম ৰাজ্যিক সাংবাদিক সংস্থাৰ সভাপতি জিতু শর্মা ৰাজখোৱা, সাংগঠনিক সম্পাদক পলিমা চেতীয়া, বোকাখাত মহকুমা সাংবাদিক সংস্থাৰ সভাপতি বুবুল দত্ত, উপ-সভাপতি অমৰ শর্মা, সম্পাদক নীলু আচার্য, সহ-সম্পাদক প্ৰাঞ্জল হাজৰিকা, সাংগঠনিক সম্পাদক পৱন কামান, প্ৰচাৰ সম্পাদক অজন্তা তালুকদাৰকে ধৰি অন্যান্য সদস্যসকল উপস্থিত থাকে৷ অনুষ্ঠানতে জিতু শৰ্মা ৰাজখোৱা আৰু বুবুল দত্তই দুখনকৈ গ্ৰন্থ মহকুমা আৰক্ষী বিষয়াগৰাকীক প্ৰদান কৰে।