ভুঁই ৰোৱা যন্ত্ৰ প্ৰদৰ্শন কৰিলে কৃষি বিজ্ঞান কেন্দ্ৰই

গুৱাহাটীৰ পশ্চিম প্ৰান্তৰ কাঁহিকুছিস্থিত কৃষি বিজ্ঞান কেন্দ্ৰ, কামৰূপৰ উদ্যোগত ১৮জুলাইত দক্ষিণ কামৰূপৰ ৰঙামাটি গাঁৱৰ আদৰ্শ কৃষক চিদামোহন দাসৰ খেতিপথাৰত এপাৰ্ট প্ৰকল্পৰ অত্যাধুনিক ভুঁই ৰোৱা যন্ত্ৰৰ প্ৰদৰ্শন কৰা হয়। কৃষি বিজ্ঞান কেন্দ্ৰৰ এপাৰ্ট প্ৰকল্পৰ কাৰিকৰী গৱেষণা সহায়ক অৰূপজ্যোতি কাকতি আৰু অনন্ত গগৈয়ে ১২বিঘা মাটিত কম খৰছ আৰু কম সময়ত কিদৰে অত্যাধুনিক যন্ত্ৰৰ সহায়ত ভুঁই ৰুব পাৰি তাৰ প্ৰদৰ্শন কৰে। প্ৰদৰ্শনৰ সময়ত চিদামোহন দাসৰ উপৰি অঞ্চলটোৰ কেবাগৰাকী কৃষক উপস্থিত থাকে।