উত্তৰ পূবৰ প্ৰথমটো আন্তজাৰ্তিক পৰ্যায়ৰ বিমান বন্দৰ লোকপ্ৰিয় গোপীনাথ বৰদলৈ বিমান বন্দৰত সদ্য সমাপ্ত ২০১৯ বৰ্ষত অভিলেখ পৰিমাণৰ ২৫ শতাংশ যাত্ৰী বৃদ্ধি পাইছে।এই বৃদ্ধিৰ পৰিমাণ বিগত বৰ্ষত কেৱল ভাৰততে নহয় বিশ্বৰ ভিতৰতে এক অভিলেখ বুলি চৰ্চিত হৈছে।এই মন্তব্য ভাৰতীয় বিমান বন্দৰ প্ৰাধিকৰণৰ বৰঝাৰস্থিত উত্তৰ পূব মণ্ডলৰ কেন্দ্রীয় কাৰ্যবাহী সঞ্চালক সঞ্জীৱ জিন্দালৰ।সোমবাৰে বিয়লি প্ৰাধিকৰণৰ বৰঝাৰস্থিত উত্তৰ পূব মণ্ডল কাৰ্যালয়ৰ ড০ ভূপেন হাজৰিকা সভাগৃহত আয়োজিত এক সংবাদমেলত এই কথা সদৰি কৰে সঞ্জীৱ জিন্দালে।সংবাদ মেলত জিন্দালে কয় গুৱাহাটীকে ধৰি উত্তৰ পূবৰ মুঠ ১৬ টা বিমান বন্দৰ আছে আৰু ইয়াৰে ১২ টা বিমান বন্দৰ কাৰ্যক্ষম হৈছে।কাৰ্যক্ষম হৈ থকা বিমান বন্দৰ সমূহৰ আন্ত:গাঠনি উন্নয়ন আৰু যাত্ৰীক অধিক সা সুবিধা দিয়াৰ লক্ষ্যৰে ৪৫৭ কোটি টকা ব্যয়ৰে উন্নীতকৰণ কৰা কাৰ্য চলি আছে।তেনেদৰে অসমকে ধৰি উত্তৰ পূবৰ কৃষক সকলৰ উৎপাদিত সামগ্ৰী বিদেশলৈ ৰপ্তানি কৰাৰ লক্ষ্যৰে গুৱাহাটীকে ধৰি কেবাটাও বিমান বন্দৰত মালবাহী বিমানৰ বৃদ্ধি কৰা হৈছে।বিগত ২০১৯ বৰ্ষত মালবাহী বিমানেৰে প্ৰায় ১২ শতাংশ কৃষিজাত সামগ্রী বিভিন্ন দেশ বিদেশলৈ ৰপ্তানি হৈছে।তেনেদৰে সামাজিক দায়বদ্ধতা আঁচনিৰ অধীনত নিবনুৱা যুৱক-যুৱতীৰ দক্ষতা বৃদ্ধিৰে স্বাৱলম্বী হোৱাৰ বাবে প্ৰশিক্ষণ কাৰ্যসূচী গ্ৰহণ কৰা হৈছে।কাৰ্যালয়ৰ কাম কাজত কাগজৰ ব্যৱহাৰ কম কৰাৰ লক্ষ্যৰে প্ৰাধিকৰণৰ উত্তৰ পূব মণ্ডলত কাম কাজ ই অফিচলৈ উন্নীতকৰণ কৰিছে।ইয়াৰ ফলত কামৰ স্বচ্ছতা গতি বৃদ্ধি পাইছে।সম্প্ৰতি প্ৰাধিকৰণৰ অধীনৰ উত্তৰ পূবৰ বিমান বন্দৰত দুৰ্ঘটনা ৰোধ কৰা হৈছে আৰু এনে সুৰক্ষাৰ দিশত মুখ্য সহনশীলতা তথা এশ শতাংশ সফল হোৱা দেখা গৈছে।দেশৰ ভিতৰতে প্ৰথমবাৰৰ বাবে উত্তৰ পূব বিমান বন্দৰ সুৰক্ষা প্ৰতিষ্ঠান,এ এন এছ প্ৰশিক্ষণ কেন্দ্র স্থাপন কৰা হৈছে।চৰকাৰী ভাষা ব্যৱহাৰ আৰু ৰূপায়নত প্ৰথম পুৰস্কাৰ লাভ কৰাৰ লগতে আন্ত:মণ্ডল ফুটবল প্ৰতিযোগিতাত উত্তৰ পূব মণ্ডলে চেম্পিয়নৰ খিতাপ লাভ কৰিছে।তেনেদৰে বিমান বন্দৰ সমূহত পাৰ্কিঙকে ধৰি যাত্রী সকলে যাতে কোনোধৰণৰ অসুবিধা নাপায় তাৰ ওপৰত অধিক গুৰুত্ব আৰোপ কৰা হৈছে বুলি সঞ্জীৱ জিন্দালে সদৰি কৰে।সংবাদমেলত প্ৰাধিকৰণৰ প্ৰৱন্ধক তথা জনসম্পৰ্কৰক্ষী বিষয়া ইন্দ্ৰমোহন কোঁৱৰ উপস্থিত থাকে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে