মিচিং জনগোষ্ঠীৰ শক্তিশালী জন বেষ্টনীৰে সমৃদ্ধ কমান বংশধৰ সকলৰ প্ৰধানতম চালিকা সংগঠন স্বৰূপ সদৌ কমান অপৃন কেবাংয়ে প্ৰতি বছৰে সমাজ সভ্যতাৰ বিশিষ্ট আৰু একনিষ্ঠ সেৱক সকলৰ লগতে বিদ্যায়তনিক ক্ষেত্ৰত বিশেষ পাৰদৰ্শিতা প্রদর্শনেৰে উজ্জীৱিত হোৱা কমান বংশধৰ সকলৰ সম্ভাৱনাপূৰ্ণ যুৱ শিক্ষাৰ্থী সকলক উষ্ণ সম্বৰ্ধিত কৰি আহিছে। প্ৰতিষ্ঠা কাল ২০১২ চনৰে পৰা অব্যাহত ৰখা এই প্ৰশংসনীয় কৰ্মসূচী এইবাৰো অহা ছেপ্টেম্বৰ মাহত অনুষ্ঠিত কৰাৰ সিদ্ধান্ত গ্ৰহণ কৰিছে অপৃন কেবাঙে । কমান অপৃন কেবাংৰ সাধাৰণ সম্পাদক চিদানন্দ কমানে বুধবাৰে জনোৱা মতে সাম্প্ৰতিক জটিল পৰিস্থিতিৰ পৰিপ্ৰেক্ষিত সীমিত আৰু সংকুচিত কাৰ্যসূচীৰে চলিত বৰ্ষৰ কমান অপৃনৰ এই বিশেষ সম্বৰ্ধনা সভাৰ ধাৰাবাহিকতা অব্যাহত ৰখা হব। কমান বংশধৰ সকলৰ সহযোগিতাত ২০২১ বৰ্ষৰ এই কৰ্মসূচীত কৃতিমান শিক্ষাৰ্থী সকলৰ লগতে এগৰাকী কৃতিমান আৰু একনিষ্ঠ শিক্ষাগুৰুক সম্বৰ্ধিত কৰা হৱ। কমান অপৃনৰ শুভচিন্তক , ধেমাজি জিলাৰ গোগামুখ অঞ্চলৰ তাজিপ গাঁওৰ বিশিষ্ট শিক্ষাগুৰু , সমাজ হিতৈষী তথা সক্ৰিয় সমাজ কৰ্মী গোবিন শৰ্মাক চলিত বৰ্ষৰ উৎকৃষ্ট শিক্ষকৰ বঁটাৰে সন্মানিত কৰাৰ সিদ্ধান্ত গ্ৰহণ কৰিছে অপৃনে । কমান অপৃনৰ সাধাৰণ সম্পাদক চিদানন্দ কমানে এক বিবৃত্তি যোগে গোগামুখ বালিকা উচ্চ মাধ্যমিক বিদ্যালয়ৰ প্ৰধান শিক্ষক শৰ্মাই অঞ্চলটোৰ শৈক্ষিক ,সামাজিক ক্ষেত্ৰখনৰ গুণগত বিকাশৰ বাবে গ্ৰহণ কৰি অহা নিৰলস প্ৰয়াস আৰু আগবঢ়াই অহা বৰেণ্য সামাজিক অৱদানৰ মান্যতা প্ৰদানৰ বাবে এই বঁটা প্ৰদান কৰা হব বুলি জনাইছে। বিশিষ্ট শিক্ষাবিদ তথা সমাজহিতৈষী শৰ্মাক অহা ছেপ্টেম্বৰ মাহত অনুষ্ঠিতব্য কমান অপৃনৰ বিদ্যায়তনিক সম্বৰ্ধনা সভাত কৃতিমান শিক্ষাৰ্থী সকলৰ লগতে বিশেষ ভাবে সম্বৰ্ধনা জনোৱা হব বুলি জনাইছে । কমান অপৃন কেবাংৰ এই ৰাজহুৱা স্বীকৃতিয়ে শিক্ষাবিদ শৰ্মাক অধিক উদ্যমী আৰু কৰ্মযোগী কৰি তোলাত অৰিহণা যোগাব বুলি শিক্ষানুৰাগী মহলে মত ব্যক্ত কৰিছে । বাতৰি যুগুতালে ঢকুৱাখনাৰ পৰা অমৃত পৱন বৰাই ।
Trending
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান