ভাৰতীয় জনতা পাৰ্টি আৰু ভাৰত চৰকাৰে প্ৰতি বছৰে ২৫ ডিচেম্বৰ সুশাসন দিৱস হিচাপে পালন কৰি আহিছে।কালি সমগ্ৰ অসমৰ লগতে গুৱাহাটীৰ হেঙেৰাবাৰীস্থিত কাৰ্বি যুৱ সংঘ’ৰ মঞ্চত ভাৰতৰত্ন,প্ৰাক্তন প্ৰধানমন্ত্ৰী প্ৰয়াত অটল বিহাৰী বাজপেয়ী দেৱৰ ৯৬ সংখ্যক জন্মদিন উপলক্ষে সুশাসন দিৱস অনুষ্ঠিত হয়।অনুষ্ঠানটোত মুখ্যমন্ত্রী সৰ্বানন্দ সোনোৱাল,মন্ত্ৰী ড০ হিমন্ত বিশ্ব শৰ্মা,ৰাজ্যিক বিজেপিৰ সভাপতি ৰঞ্জিত দত্ত,সাংসদ কুইন ওজা,মন্ত্ৰী পৰিমল শুক্লবৈদ্য,সাংসদ দিলীপ শইকীয়া,সাংগঠনিক সম্পাদক ফনীন্দ্ৰ নাথ শৰ্মা,বিজয় গুপ্তাকে ধৰি বহুকেইজন জেষ্ঠ্য নেতা উপস্থিত থাকে।বৰেণ্য নেতা অটল বিহাৰী বাজপেয়ীদেৱলৈ শ্ৰদ্ধাৰ্ঘ্য নিবেদি পবিত্ৰ মাৰ্ঘেৰিটাই এটি কবিতা পাঠ কৰি অনুষ্ঠানৰ শুভাৰম্ভণি কৰে।অনুষ্ঠানত ৰাজ্যিক বিজেপিৰ সভাপতি ৰঞ্জিত দত্তই ভাষণ প্ৰসঙ্গত এনেদৰে কয়-বাজপেয়ীদেৱৰ সান্নিধ্যই তেওঁক সদায় ৰাইজৰ প্ৰতি কাম কৰি যাবলৈ অনুপ্ৰাণিত কৰি আহিছে।সেই হেতুকে তেওঁ ২০১৬ চনৰ ২৫ ডিচেম্বৰ তাৰিখে ৰাজ্যিক বিজেপিৰ সভাপতি হিচাপে দায়িত্ব গ্ৰহণ কৰিছে।মন্ত্ৰী ড০ হিমন্ত বিশ্ব শৰ্মাই অটল বিহাৰী বাজপেয়ীদেৱৰ আদৰ্শ,ৰাষ্ট্ৰভক্তি আৰু অসমভক্তিৰ যি আদৰ্শ সেই আদৰ্শৰ পৰা বিচ্যুত নহৈ স্থিতপ্ৰজ্ঞৰ দৰে স্থিৰ হৈ থাকিলে অসমত বিজেপি শক্তিশালী হৈ থাকিব বুলি মত প্ৰকাশ কৰে।লগতে কা’ক লৈ মন্ত্ৰীগৰাকীয়ে কয় যে বাজপেয়ীদেৱৰ নেতৃত্বত ৰাজীৱ গান্ধী আৰু প্ৰফুল্ল কুমাৰ মহন্তৰ দিনত যি ভয়াবহ নাগৰিকত্ব সংশোধন হৈছিল তাৰ প্ৰতিকাৰ ২০০৩ চনত বাজপেয়ী ডাঙৰীয়াই কৰি যোৱাৰ ফলতে আজি জাতিটোৰ ৰক্ষা হ’ল।অসমত আৱেগ বিৱৰ্জিত পৰিবেশ গুচি যিদিনাই আলাপ-আলোচনাৰ পৰিবেশ হ’ব সিদিনাই অসমৰ ৰাইজে নৰেন্দ্ৰ মোডী চৰকাৰক শ্ৰেষ্ঠ বুলি বিবেচিত কৰিব বুলিও ড০ শৰ্মাই কয়।মুখ্যমন্ত্রী সৰ্বানন্দ সোনোৱাল ভাষণত এই কথা সদৰি কৰে যে অটল বিহাৰী বাজপেয়ীৰ মানৱতা,সততা,দেশভক্তিৰ বাবেই আজি দেশত সুশাসন চলিছে।তেখেত সকলোৰে আদৰ্শ আৰু তেখেতৰ আদৰ্শৰে ভাৰতীয় জনতা পাৰ্টিয়ে সদায় ৰাইজৰ হকে কাম কৰি যাবলৈ প্ৰতিশ্ৰুতিবদ্ধ।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে