পদ্ম হাজৰিকাৰ তৎপৰতাত বিদ্যুত পালে গাৰোগাঁৱবাসীয়ে

অসম অৰুণাচল সীমান্তৱৰ্তী গাৰোগাঁও অঞ্চলৰ ৰাইজৰ বিদ্যুতৰ সুবিধাৰ বাবে আজি চতিয়াৰ বিধায়ক পদ্ম হাজৰিকাৰ তৎপৰতাত আনুষ্ঠানিকভাৱে বিদ্যুতৰ খুঁটা পোতা কামৰ শুভাৰম্ভ  হয় । বালিপৰা বিদ্যুৎ উপ সংমণ্ডলৰ সংমণ্ডল বিষয়া সাৰংগপাণি শইকীয়া এজিএম সুমিত কুমাৰ সিংহাৰ লগতে ৰাইজ, জনপ্ৰতিনিধিৰ উপস্থিতিত বিধায়কগৰাকীয়ে খুঁটা পোতা কামৰ আনুষ্ঠানিকভাৱে শুভাৰম্ভ কৰি পদ্ম হাজৰিকাই কয় যে  প্ৰধানমন্ত্ৰী নৰেন্দ্ৰ মোদীৰ পৃষ্ঠপোষকতাত বিভিন্ন আঁচনিৰ জৰিয়তে আজি দেশৰ চুকে কোণে ৰাইজৰ মাজত বিজুলী যোগান কাম আৰম্ভ হোৱাত এক উন্নয়ন বিপ্লৱৰ সূচনা হৈছে  । বছৰ বছৰ ধৰি বিদ্যুতৰ পোহৰ নেদেখা গাৰোগাঁও অঞ্চলৰ ৪০০ ঘৰ লোকে অহা ২৫ ডিচেম্বৰৰ ভিতৰত বিজুলী বাতিৰ পোহৰত জীৱন নিৰ্বাহ কৰিবলৈ সক্ষম হ’ব, । অনুষ্ঠানটোত চাৰিদুৱাৰ জিলা পৰিষদৰ সদস্য কৃষ্ণ কোচ, সমাজকৰ্মী অৰুণ ভূঞা, ভালেমান জনপ্ৰতিনিধি, অঞ্চলবাসী ৰাইজ উপস্থিত থাকে ।