আজি মহানগৰীৰ জালুকবাৰীস্থিত হোটেল ৰেডিচন ব্লু’ত অনুষ্ঠিত হয় উত্তৰ-পূৱ বৈদ্যুতিক মোবিলিটি সমাৰোহ । প্ৰদূষণ মুক্ত অসম গঢ়াৰ লক্ষ্যৰে অসম ৰাজ্যিক পৰিবহন নিগমে এই সমাৰোহ অনুষ্ঠিত কৰিছে । উত্তৰ-পূৱৰ বিভিন্ন প্ৰান্তৰ প্ৰতিনিধিয়ে এই সমাৰোহত অংশগ্ৰহণ কৰি যানবাহন বৈদ্যুতিকৰণৰ ক্ষেত্ৰত বিশ্লেষণ আগবঢ়ায় । তাৰোপৰি বৈদ্যুতিক যানবাহন ব্যৱহাৰৰ ফলত কি কি সুবিধা হ’ব তাৰ বিষয়েও সমাৰোহত আলোচনা কৰা হয় । এই সমাৰোহতে বিভিন্ন কোম্পানীয়ে বৈদ্যুতিক বাছ, বৈদ্যুতিক ৰিক্সা, বৈদ্যুতিক মটৰ চাইকেল প্ৰদৰ্শন কৰে । উল্লেখ্য যে এই অনুষ্ঠানত নীতি আয়োগৰ মিছন ডাইৰেক্ট অনিল শ্ৰীবাস্তৱ, অসম ৰাজ্যিক পৰিবহণ নিগমৰ অধ্যক্ষ অশোক কুমাৰ ভট্টৰায়, উপাধ্যক্ষ হৰিচৰণ বড়ো, পৰিচালন সঞ্চালক আনন্দ প্ৰকাশ তিৱাৰীকে প্ৰমুখ্য কৰি বহুতো বিশিষ্ট ব্যক্তি উপস্থিত থাকে । জানিব পৰা মতে অহা ৪ তাৰিখৰ পৰা মহানগৰীৰ ৰাজপথত বৈদ্যুতিক বাছ সেৱা আৰম্ভ হ’ব । প্ৰথমে পৰীক্ষামূলকভাৱে ১৫ খন বাছ অসম ৰাজ্যিক পৰিবহণ নিগমে চলোৱাৰ ব্যৱস্থা কৰিছে ।
Trending
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী