যোৰহাট প্ৰেছ ক্লাৱত “মণি-কাঞ্চন সংযোগ”, “অনুভৱৰ দিগবলয়ত জোনাকৰ আভা” উন্মোচন

যোৰহাট প্ৰেছ ক্লাৱত সোমবাৰে অনুষ্ঠিত এখন সভাত লক্ষীৰাম দুৱৰা দাসে লেখা ধৰ্মমূলক গ্ৰন্থ “মণি-কাঞ্চন সংযোগ” আৰু কিৰণ দাসে লেখা কবিতা পুথি “অনুভৱৰ দিগবলয়ত জোনাকৰ আভা” উন্মোচন কৰে ক্ৰমে যোৰহাট জগন্নাথ বৰুৱা মহাবিদ্যালয়ৰ বুৰঞ্জী বিভাগৰ মুৰব্বী অধ্যাপক ডঃ ইন্দ্ৰেশ্বৰ দাস আৰু যোৰহাট জিলা পৰিষদৰ উপ-সভানেত্ৰী বাসৱী কলিতা শইকীয়াই। জগন্নাথ অগ্নিবৰাই আঁত ধৰা সভাত পশ্চিম যোৰহাট সাংবাদিক সংস্থাৰ সভাপতি ৰমেন শইকীয়া আৰু লেখকদ্বৰ লক্ষীৰাম দুৱৰা দাস, কিৰণ দাস (মনজিৎ)-তে বক্তব্য আগবঢ়ায়। কৈবৰ্ত নৱজাগৰণ সাহিত্য আৰু সামাজিক মঞ্চ অসমৰ সৌজন্যত অনুষ্ঠিত সভাখনত পৰিবেশকৰ্মী সমীৰ ৰয়, সমাজকৰ্মী দূৰ্লভ দাস আৰু সোমেশ্বৰ দাস বিশিষ্ট অতিথিৰূপে অংশগ্ৰহণ কৰে। ক’ভিড-১৯ সংক্ৰমণ প্ৰতিৰোধৰ বাবে চৰকাৰে জাৰি কৰা নীতি-নিৰ্দেশনা মানি কম সময়ৰ ভিতৰতে অনুষ্ঠিত সভাখনত নিৰ্দিষ্ট সংখ্যক লোকৰ লগতে ভালেকেইগৰাকী সংবাদকৰ্মী উপস্থিত থাকে।