ভাৰত চৰকাৰ সাংস্কৃতিক মন্ত্ৰণালয়ৰ দ্বাৰা অৰুণাচল প্ৰদেশৰ টাৱাঙত পেৰেড গাউণ্ডত ২৩ মাৰ্চৰ পৰা ২৫ মাৰ্চ লৈকে পঞ্চম “ৰাষ্ট্ৰীয় সাংস্কৃতি মহোৎসৱ” অনুষ্ঠিত হ’ব। ভাৰত চৰকাৰৰ সাংস্কৃতিক মন্ত্ৰণালয়ৰ দ্বাৰা অৰুণাচল প্ৰদেশ চৰকাৰৰ সহযোগত উত্তৰ-পূৱ ক্ষেত্ৰত সাংস্কৃতিক কেন্দ্ৰ ডিমাপুৰৰ তত্বাৱধানত অনুষ্ঠিত হ’ব লগীয়া এই মহোৎসৱত ভাৰতবৰ্ষৰ বিভিন্ন ৰাজ্যৰ লোক আৰু শাস্ত্ৰীয় সংগীত, নাটক, পুতলা নাটক, লোক নৃত্য, শাস্ত্ৰীয় নৃত্য, বৌদ্ধিক কলা, খাদ্য আৰু হস্তশিল্পৰ প্ৰৰ্দশনী অনুষ্ঠিত কৰা হ’ব। গুৱাহাটী প্ৰেছ ক্লাৱত কালি অনুষ্ঠিত সংবাদ মেলত উত্তৰ পূৱ ক্ষেত্ৰ সাংস্কৃতিক কেন্দ্ৰ, ডিমাপুৰ পূৱ মাণ্ডলিক সাংস্কৃতিক কেন্দ্ৰৰ কলিকতাৰ দ্বায়িত্বত থকা সঞ্চালক ড০ ওঁম প্ৰকাশ ভাৰতীয় কয় যে ২০১৫ চনৰ পৰা ভাৰত চৰকাৰৰ সাংস্কৃতিক মন্ত্ৰণালয়ৰ এই সাংস্কৃতিক মহোৎসৱ অনুষ্ঠিত কৰি আহিছে। ২০১৫ আৰু ২০১৬ চনত দিল্লী, ২০১৬ চনত বাড়ানসী আৰু ২০১৭ চনত বাংগালোৰত আৰু এইয়ে প্ৰথম বাৰৰ উত্তৰ পূৱত এই পঞ্চম “ৰাষ্ট্ৰীয় সাংস্কৃতি মহোৎসৱ” অনুষ্ঠিত কৰা হৈছে। উদ্ধোধনী অনুষ্ঠান উত্তৰ-পূৱ ক্ষেত্ৰ সাংস্কৃতিক কেন্দ্ৰ অধক্ষ্য তথা নাগালেণ্ডৰ ৰাজ্যপাল পদ্মনাভা বালা কৃষ্ঞ আচাৰ্য্য উপস্থিত থাকি শুভ উদ্ধোধন কৰাৰ লগতে কেন্দ্ৰীয় চৰকাৰৰ সাংস্কৃতিক আৰু পৰ্য্যটন দপ্তৰৰ মন্ত্ৰী ড০ মহেশ শৰ্মা, অৰুণাচল প্ৰদেশ মূখ্যমন্ত্ৰী প্ৰেমা খাণ্ডুকে আদি কৰি বহু কেইজন বিশিষ্ট ব্যক্তিয়ে অংশ গ্ৰহণ কৰিব বুলি উত্তৰ-পূৱ ক্ষেত্ৰ সাংস্কৃতিক কেন্দ্ৰৰ সঞ্চালক ড০ ভাৰতীয়ে উল্লেখ কৰে। তেখেতে কয় যে টাৱাঙত আৰম্ভ কৰা এই “ৰাষ্ট্ৰীয় সাংস্কৃতি মহোৎসৱ” মাজু্লী, ছিপাঝাৰ, দুধনৈ, গৌৰীপুৰ, শ্বিলং, মিজোৰামৰ আইজল, চিফহিৰ, মিজোৰাম বিশ্ববিদ্যালয়, ইম্ফল, ত্ৰিপুৰাৰ খোৱাই , ছিকিমৰ গেংটক আৰু ডিমাপুৰত সমান্তৰাল ভাৱে তিনিদিনীয়াকৈ বৰ্ণিল কাৰ্য্যসূচীৰে ২৩ ৰ পৰা ৩১ মাৰ্চলৈ অনুষ্ঠিত হ’ব। বিশ্বৰ সৰ্ব্ব বৃহৎ নদীদ্বীপ মাজুলীত অহা ২৭, ২৮ আৰু ২৯ মাৰ্চত গড়মুৰ বংশী গোপাল নাট্য মন্দিৰ প্ৰেক্ষাগৃহত এই মহোৎসৱ অনুষ্ঠিত কৰা হ’ব। উত্তৰ পূৱৰ পৰা ৫,০০০ শিল্পী আৰু ভাৰতৰ বিভিন্ন ৰাজ্যৰ পৰা অহা ২,০০০ শিল্পীয়ে মহোৎসৱত অংশ গ্ৰহণ কৰিব বুলি ড০ ভাৰতীয়ে উল্লেখ কৰে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান