মহানগৰীত চলাচল কৰি থকা আৰু পৰিবহন সেৱাত গুৰুত্বপূৰ্ণ ভূমিকা গ্ৰহণ কৰি অহা প্ৰায় পাঁচ হাজাৰ অলা আৰু উবেৰৰ চালকৰ সমস্যা সমাধানৰ বাবে ১৯ জুলাইৰ বিয়লি বেতকুচিস্থিত কামৰূপ মহানগৰ জিলাৰ আঞ্চলিক পৰিবহন প্ৰাধিকৰণৰ কাৰ্যালয়ত এখন বৈঠক অনুষ্ঠিত হয় । ৰাজ্যৰ পৰিবহন আয়ুক্তৰ নিৰ্দেশনা অনুসৰি আঞ্চলিক পৰিবহন প্ৰাধিকৰণৰ সচিব আৰু জিলা পৰিবহন বিষয়া ৰফিকুল হুছেইনৰ আহ্বান মৰ্মে আৰু তেওঁৰ অধ্যক্ষতাত অনুষ্ঠিত বৈঠকত অলা কৰ্তৃপক্ষৰ হৈ মাণ্ডলিক বিষয়া ভাস্কৰ বৰা , উবেৰ কৰ্তৃপক্ষৰ হৈ বনানী বৰদলৈ আৰু পীয়ুষ পাঠক , অলা আৰু উবেৰ কেব অপাৰেটৰৰ হৈ ইব্ৰাহিম আলী আৰু দেৱজিৎ ডেকাই ভাগ লয় । বৈঠকত অলা আৰু উবেৰৰ চালক সকলে ক’ভিডকেন্দ্ৰিক পৰিস্থিতিৰ বাবে ভোগ কৰি অহা সমস্যা সমূহৰ বিশদ আলোচনা কৰা হয় । ইয়াৰ উপৰিও আলোচনা কালত অলা আৰু উবেৰ কৰ্তৃপক্ষৰ প্ৰতিনিধিয়ে চালক বা অপাৰেটৰ সকলৰ সমস্যা সমূহ মানৱীয়তাৰে সমাধান কৰা হব বুলি আশ্বাস প্ৰদান কৰে । আনহাতে প্ৰাধিকৰণৰ সচিব ৰফিকুল হুছেইনে উভয় পক্ষকে এৰা ধৰি কৰি সমস্য সমূহ সমাধানৰ বাবে পৰামৰ্শ আগবঢ়ায় । তেনেদৰে ৰাজ্য চৰকাৰৰ ক’ভিড বিধি সকলোৱে মানি যাত্ৰীলৈ সেৱা আগবঢ়ায় তাৰ বাবে আহ্বান জনায় সচিব ৰফিকুল হুছেইনে । তেনেদৰে বৈঠকৰ অন্তত অলা আৰু উবেৰ কেব অপাৰেটৰ সংস্থাই পহিলা আগস্টৰ পৰা তেওঁলোকে যি আন্দোলনৰ কাৰ্যসূচী গ্ৰহণ কৰিছিল তাক প্ৰত্যাহাৰ কৰা হৈছে বুলি সদৰি কৰে।
Trending
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা