কাজিৰঙা ৰাষ্ট্ৰীয় উদ্যানৰ অষ্টম সংযোজন এলেকাত নৱ নিৰ্মিত বান্দৰডুবি খণ্ড বন বিষয়াৰ কাৰ্যালয়ৰ আজি উদ্বোধন কৰা হয় ৷অসম চৰকাৰৰ চিফ ৱাইল্ড লাইফ ৱাৰ্ডেন, ভাৰতীয় বন সেৱা বিষয়া মহেন্দ্ৰ কুমাৰ যাদৱে কালি পুৱা আনুষ্ঠানিক ভাৱে ফিটা কাটি খণ্ড বন কাৰ্যালয়টো মুকলি কৰে ৷এই উপলক্ষে কাৰ্যালয় প্ৰাংগনত আয়োজিত এক বিশেষ অনুষ্ঠানত চিফ ৱাইল্ড লাইফ ৱাৰ্ডেন মহেন্দ্ৰ কুমাৰ যাদৱৰ লগতে কাজিৰঙাৰ সঞ্চালক পি শিৱকুমাৰ, ডি এফ অ’ ৰমেশ কুমাৰ গগৈ, বনাঞ্চলিক বিষয়া বিবিধ দিহিঙীয়াৰ লগতে বিষয়া কৰ্মচাৰীৰ উপৰিও সাথানীয় পাৰিপাৰ্শ্বিক উন্নয়ন সমিতিৰ কৰ্মকৰ্তাও উপস্থিত থাকে ৷কাজিৰঙা ৰাষ্ট্ৰীয় উদ্যানৰ এই অষ্টম সংযোজন এলেকাত সম্প্ৰতি অতি সুন্দৰকৈ বন্যপ্ৰাণীৰ আৱাস গঢ়ি উঠিছে ৷ উচ্চেদৰ পিচতেই মানুহৰ উপস্থিতি হ্ৰাস পোৱাৰ বাবে অঞ্চলটোত এতিয়া ভালেমান বন্যপ্ৰাণী দেখিবলৈ পোৱা যায় ৷ আজি উন্মোচিত হোৱা বান্দৰডুবি খণ্ড বন কাৰ্যালয়ত নিয়োজিত বনকৰ্মী সকলে খণ্ড বন বিষয়াৰ নেতৃত্বত এতিয়াৰে পৰা অঞ্চলটোৰ সুৰক্ষা আৰু বন্যপ্ৰাণীৰ আৱাস উন্নয়নৰ উপৰিও পাৰিপাৰ্শ্বিক পৰ্যটনৰো পৰিচালনা কৰিব পাৰিব বুলি সঞ্চালক পি শিৱকুমাৰে জনায় ৷
Trending
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন
- দ্বিতীয় পৰ্য্যায়ৰ ভোটগ্রহণ সম্পন্ন
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা