দক্ষিণ কামৰূপৰ আমৰাঙা বৰিহাট অঞ্চলৰ আগশাৰীৰ শিক্ষানুষ্ঠান নবোদয় আদৰ্শ বিদ্যামন্দিৰ, বৰিহাটৰ উদ্যোগত ৩১ ডিচেম্বৰৰ দিনা বিদ্যালয় প্ৰাঙ্গনত শীতকালীন এদিনীয়া মৃৎশিল্প কৰ্মশালা এখনি সুকলমে অনুষ্ঠিত হৈ যায়। তৃতীয় শ্ৰেণীৰ পৰা আগ্ৰহী প্ৰায় শতাধিক শিক্ষাৰ্থীয়ে অংশগ্ৰহণ কৰা উক্ত কৰ্মশালাত বিদ্যালয়খনৰ লগতে অঞ্চলটোৰ কেইবাখনো বিদ্যালয়ৰ শিক্ষাৰ্থীয়ে অংশগ্ৰহন কৰে। শিল্পী পৱন মহন্তৰ নেতৃত্বত চিমি কুমাৰী দাস আৰু বিনা কুমাৰীয়ে কৰ্মশালাখন পৰিচালনা কৰে। উক্ত কৰ্মশালাত অংশগ্ৰহণ কৰা শিক্ষাৰ্থীসকলৰ উজ্বল ভৱিষ্যত কামনা কৰি পৰৱৰ্তী পৰ্যায়ত ১৫ দিনীয়া কৰ্মশালা অনুষ্ঠিত কৰিবলৈ ইচ্ছা কৰিছে বিদ্যালয় কৰ্তৃপক্ষই। নবোদয় আদৰ্শ বিদ্যামন্দিৰ পৰিচালনা সমিতিৰ সচিব কল্প কলিতাই কৰ্মশালাখন উদ্ধোধন কৰি কয় যে মাটিও আমাৰ এটা শিল্প আৰু মাটিৰ দ্বাৰাও যে বিভিন্ন সৃজনীমুলক কাম কৰাৰ লগতে ইয়াত বাণিজিক আৰু অৰ্থনৈতিক মূল্য আছে। কণ কণ শিক্ষাৰ্থীসকলক মাটিৰ সৈতে চিনাকী কৰি দি ইয়াৰ গূঢ়াৰ্থ বুজাব লাগিব বুলিও কয়। আজিৰ অনুষ্ঠানত বিদ্যালয়খনৰ ভাৰপ্ৰাপ্ত অধ্যক্ষা লক্ষী কাকতি দাসৰ লগতে শিক্ষক-শিক্ষয়িত্ৰীসকলৰ উপৰিও আমৰাঙ্গা গাও পঞ্চায়তৰ আঞ্চলিক সদস্যা নবনীতা চৌধুৰী কলিতা, বেচৰকাৰী সংস্থা জনসাৰথিৰ সম্পাদক মিতুমনি দাস, প্ৰচাৰ সম্পাদক মণ্টু কলিতাকে ধৰি ভালেকেইজন ব্যক্তি উপস্থিত থাকে।
Trending
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত