হুনাৰ হাটত হাস্যৰসৰ মেলা- উপাসনা সিং আৰু জুনিয়ৰ মেহমুদৰ যুগলবন্দীয়ে গুৱাহাটীবাসীক প্ৰদান কৰিলে মনোৰঞ্জন

কাৰোবাৰ মুখলৈ হাঁহি অনা আৰু তেওঁলোকক মুকলিকৈ হাঁহিবলৈ সুযোগ দিয়াটো সহজ কথা নহয়, কিন্তু বলীউডৰ বিখ্যাত অভিনেত্ৰী আৰু কৌতুক অভিনেতা উপাসনা সিং তথা প্ৰখ্যাত কৌতুক অভিনেতা জুনিয়ৰ মেহমুদে এই অসাধ্য সাধন কৰি দেখুৱাইছে। গুৱাহাটীৰ হুনাৰ হাটত এই দুয়োগৰাকী শিল্পীয়ে দৰ্শকক হঁহুৱাই পেটৰ নাড়ী ডাল-ডাল কৰিছে ৷

মঙলবাৰে, হুনাৰ হাটৰ সন্ধিয়াটো হাস্যৰসৰ নামত আছিল। উপাসনা সিং আৰু জুনিয়ৰ মেহমুদৰ যুঁটিটোৱে মঞ্চত তেওঁলোকৰ অভিনয় আৰু কৌতুকৰ জৰিয়তে উপস্থিত দৰ্শকক যথেষ্ট মনোৰঞ্জন দিয়ে। মঞ্চত দুয়োজনৰ যুগলবন্দীটো বৰ সুন্দৰ হয়। গুৱাহাটীৰ দৰ্শকে তেওঁলোকক বাৰে বাৰে প্ৰশংসা কৰে আৰু কাৰ্যসূচীৰ পিছত উপাসনা সিং আৰু জুনিয়ৰ মেহমুদেও গুৱাহাটীৰ লোকসকলক অন্তৰৰ পৰা ধন্যবাদ জ্ঞাপন কৰে। ইয়াৰ উপৰিও, দুয়োজনে প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় সংখ্যালঘু পৰিক্ৰমা মন্ত্ৰী মুখতাৰ আব্বাছ নাকভিক হুনাৰ হাটৰ চিন্তা-ধাৰা আৰু ইয়াক সাফল্যমণ্ডিত কৰি তোলাৰ বাবে প্ৰশংসা কৰে।