কালি অসম গণ পৰিষদৰ আমবাৰীস্থ মুখ্য কাৰ্য্যালয়ত সভাপতি তথা মন্ত্ৰী অতুল বৰাৰ সভাপতিত্বত অনুষ্ঠিত এক যোগদান কাৰ্য্যসূচীত প্ৰাক্তন মন্ত্ৰী তথা প্ৰদেশ কংগ্ৰেছৰ জ্যেষ্ঠ নেতা মহিবুল হক আৰু এ আই ইউ ডি এফৰ প্ৰাক্তন বিধায়ক ৰচুল হক বাহাদুৰসহ দুই শতাধিক বিভিন্ন দলৰ বিষয়ববীয়াই আনুষ্ঠানিক ভাৱে অসম গণ পৰিষদ দলত যোগদান কৰে। যোগদানকাৰীসকলৰ ভিতৰত অসম ৰাজ্যিক জমিয়ত উলেমা হিন্দৰ নেতা মেহতাবুল হক, অৱসাৰপ্ৰাপ্ত চৰকাৰী অভিযন্তা ত্ৰিদিবজ্যোতি ভূঞা, সদৌ অসম ইমাম সন্থাৰ সভাপতি হাফিজ চাহিনুৰ ইছলাম আদিয়ে যোগদান কৰে। যোগদানকাৰীসকলক আদৰণি জনাই সভাপতি বৰাই কয় যে, ৰাজ্যখনৰ উন্নয়ন আৰু সুৰক্ষিত ভৱিষ্যতৰ স্বাৰ্থত অসম গণ পৰিষদক শক্তিশালী কৰাটো সময়ৰ আহ্বান। ন-পুৰণি সকলো সদস্যই ঐক্যবদ্ধ ভাৱে অসমৰ জনসাধাৰণৰ কাষত থাকি অধিক গণসংযোগৰ জৰিয়তে দলটোক শক্তি প্ৰদান কৰিব লাগিব বুলি মতপোষণ কৰে। অনুষ্ঠানত কাৰ্য্যকৰী সভাপতি তথা মন্ত্ৰী কেশৱ মহন্তই ৰাজ্যখনৰ সকলো স্তৰতে সাংগঠনিক ভাৱে দলটোক সম্প্ৰসাদৰণ কৰাত গুৰুত্ব প্ৰদান কৰি যোগদানকাৰীসকলক আদৰণি জনায়। অনুষ্ঠানত সাধাৰণ সম্পাদক, বিধায়ক ৰমেন্দ্ৰ নাৰায়ণ কলিতা, প্ৰবীন হাজৰিকা, মনোজ শইকীয়া, উপ-সভাপতি সুনীল ডেকা, সম্পাদক জয়ন্ত খাউণ্ড, অসম যুৱ পৰিষদৰ সভাপতি জিতু বৰগোহাঁই, কৃষক পৰিষদৰ সভাপতি পৰেশ বৈশ্য আদি উপস্থিত থাকে।
Trending
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন