ৰমেশ চন্দ্ৰ বড়া আৰু লিচুমাই বড়া ন্যাসৰ দ্বিবাৰ্ষিক প্ৰতিষ্ঠা দিৱস গুৱাহাটী মহানগৰীৰ চেনিকুঠিস্থিত ২৩ নৱেম্বৰত “পশুপালন আৰু পশু চিকিৎসা বিভাগৰ সভাকক্ষ” প্ৰাংগণত অনুষ্ঠিত হৈ যায়। আদিতে ৰমেশ চন্দ্ৰ বড়া আৰু লিচুমাই বড়াৰ স্থিৰ চিত্ৰত বন্তি প্ৰজ্বলন কৰি সাপ্তাহিক প্ৰাগজ্যোতিষ কাকতৰ সম্পাদক শশীপ্ৰভা দাসে কয়-আন্তৰিকতাৰে কাম কৰা লোকসকল সমাজত জীয়াই থাকে । সন্মান কৰিলেহে, সন্মান আদায় কৰিব পাৰি । নিউ গুৱাহাটী আদৰ্শ হাইস্কুলৰ অৱসৰী প্ৰধান শিক্ষক নিধন বৰ্মনৰ আৰম্ভণি গীতেৰে আৰম্ভ কৰা সভাত সভাপতিত্ব কৰে ন্যাসৰ সভাপতি মহেন্দ্ৰ বড়াই । সাংবাদিক, লেখক দীপক শৰ্মাই আত ধৰা সভাৰ উদ্দেশ্য ব্যাখ্যা আৰু আদৰণি ভাষণত ন্যাসৰ সচিব তথা অসমৰ মাধ্যমিক শিক্ষা বিভাগৰ অৱসৰী অতিৰিক্ত সঞ্চালক ড০ অসমী গগৈয়ে কয়-সাহিত্য,শিক্ষা,সংস্কৃতিৰ উন্নয়নৰ লগতে নাৰী কল্যাণ সাধনে ন্যাসৰ লক্ষ্য । কৰ্ম-সংস্কৃতি আৰু স্বাৱলম্বনৰ ওপৰত সজাগতা সৃষ্টিৰে সমাজৰ উত্তৰণ ঘটাব লাগে । সভাতে মৃণালী চুতীয়া দাসৰ কবিতা গ্ৰন্থ অতীতৰ ছবি আজি মনৰ দাপোনত” উন্মোচন কৰি অৱসৰী অভিযন্তা, লেখক চফিকুৰ ৰহমান শইকীয়াই কয়- সমাজৰ কাম কৰিব পৰাটো বৰ সৌভাগ্যবান । সাহিত্য সাধনা মহৎ কাম । গ্ৰন্থ অধ্যয়ন কৰা লোকৰ সংখ্যা কমি আহিছে । ই বৰ দুৰ্ভাগ্য ।সভাৰ বিশিষ্ট অতিথি বিশিষ্ট চিন্তাবিদ, লেখক ডা: ৰেজাউল কৰিমে কয়-সংস্কাৰৰ বৰ প্ৰয়োজন হৈ পৰিছে । এই সংস্কাৰ আহিব লাগিব প্ৰতিজন মানুহৰে হৃদয়েৰে পৰা । শিক্ষা ব্যৱস্থাত কিবা কেৰোণ আছে বাবে আজিৰ একাংশ প্ৰজন্মবোৰ বৰ বেয়া হৈ পৰিছে । লক্ষ্মীনাথ বেজবৰুবা, বিষ্ণুপ্ৰসাদ ৰাভা, জ্যোতিপ্ৰসাদ আগৰৱালা আদি মনীষীসকলৰ সৃষ্টিৰাজি গভীৰভাৱে অধ্যয়ন কৰিব লাগে ।সভাত অসম সাহিত্য সভাৰ প্ৰাক্তন সহ: সম্পাদক কমল কলিতা,সদৌ অসম মৌচম কবি সন্মিলনৰ সম্পাদক মৌৰাম দাস,লেখিকা সংস্থা, অসমৰ উপ-সভাপতি নিৰু শৰ্মা পৰাজুলি,চান্দমাৰি সাহিত্য সভাৰ সম্পাদক দিলীপ বৰুৱা, সাংবাদিক ঘনশ্যাম শইকীয়া,লেখিকা বিৰজা দেৱীয়ে বিশিষ্ট অতিথি হিচাপে অংশ লয় । সভাত নাৰ্চিমা বেগম বৰাই কবিতা আবৃত্তি আৰু দুৰ্গামণি বৰগোহাঁইয়ে গীত পৰিবেশন কৰি সভাৰ সৌষ্ঠব বৰ্দ্ধন কৰে।
Trending
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ
- NSE Electronic Gold Receipts (EGRs) Witnesses Record Trading Volumes on the occasion of Dhanteras
- বাৰে ৰহণীয়া কাৰ্যসূচীৰে আই এ এছ এছ টিৰ ৪৮ সংখ্যক প্ৰতিষ্ঠা দিৱস পালন
- অসম ৰাজ্যিক চলচ্চিত্র বিত্ত আৰু উন্নয়ন নিগমৰ ভাৰপ্ৰাপ্ত অধ্যক্ষ হিচাপে আলেখ্য বৰুৱাক দায়িত্ব প্ৰদান