দিন যোৰা বিভিন্ন কাৰ্যসূচী লৈ শিলচৰ চহৰত উপস্থিত হৈ শিক্ষা মন্ত্ৰী ডাঃ ৰণোজ পেগুই প্ৰথমে তাৰাপুৰৰ ঐতিহ্যবাহী বিদ্যালয় ৰামকুমাৰ নন্দী পাঠশালাখন পৰিদৰ্শন কৰে। এই পৰিদৰ্শন কালত মন্ত্ৰী গৰাকীয়ে শিক্ষক-শিক্ষয়িত্ৰী, কৰ্মচাৰীসকলৰ সৈতে মত বিনিময়ৰ কৰাৰ লগতে বিদ্যালয়খনৰ আন্তঃগাঁথনি তথা শৈক্ষিক পৰিৱেশৰ বুজ লয়। ইয়াৰে পিছত মন্ত্ৰী গৰাকীয়ে শিলচৰ বিধানসভা সমষ্টিৰ অন্তৰ্গত মডেল স্কুল হিচাপে নিৰ্মাণ কৰিবলগীয়া শ্যামচৰণ দেৱ বিদ্যাপীঠ হাইস্কুলত এক নতুন বিদ্যালয় ভৱনৰ আধাৰশিলা স্থাপন কৰে। উল্লেখযোগ্য যে এই নতুন বিদ্যালয় ভৱনৰ বাবে ২০২০-২১ আৰু ২০২১-২২ বৰ্ষৰ আনটাইড ফাণ্ডৰ পৰা প্ৰাৰম্ভিক ৪০ লাখ টকাৰ ব্যয় ধাৰ্য কৰা হৈছে।এই অনুষ্ঠানত শিলচৰৰ সাংসদ ডাঃ ৰাজদীপ ৰয় আৰু বিধায়ক শ্ৰীযুত দিপায়ন চক্ৰৱৰ্তী উপস্থিত থাকে। ইয়াৰে উপৰিও মন্ত্ৰী গৰাকীয়ে কৰিমগঞ্জৰ বদৰপুৰৰ অগ্ৰণী শিক্ষানুষ্ঠান মহাদেৱ উচ্চতৰ মাধ্যমিক বিদ্যালয়ৰ সোণালী জয়ন্তী অনুষ্ঠানত সাংসদ শ্ৰীকৃপানাথ মাল্লাৰ সৈতে এক গাম্ভীৰ্যপূৰ্ণ অনুষ্ঠানত অংশগ্ৰহণ কৰে । শিক্ষা মন্ত্ৰী গৰাকীয়ে শিক্ষানুষ্ঠান খনে ৰাজ্যৰ শিক্ষাক্ষেত্ৰলৈ আগবঢ়োৱা পঞ্চাচ বছৰীয়া গৌৰৱময় সেৱাৰ শলাগ লয়। তেওঁ লগতে উল্লেখ কৰে যে শিক্ষক-শিক্ষয়িত্ৰী, ছাত্ৰ-ছাত্ৰী তথা শিক্ষানুৰাগী ৰাইজৰ একান্ত প্ৰচেষ্টাত বিদ্যালয়খনৰ গৰিমা সদা-বন্দিত হৈ ৰ’ব। এই অনুষ্ঠানৰ পিছতে মন্ত্ৰী গৰাকীয়ে কাটলিচেৰা ৰাজহ চক্ৰৰ অন্তৰ্গত মডেল অগনবাড়ী কেন্দ্ৰ আৰু অমৃত সৰোবৰৰ অন্তৰ্গত নিৰ্মাণ কৰিবলগীয়া বিভিন্ন স্থান সমূহ পৰিদৰ্শন কৰে।
Trending
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন