ভাৰত চৰকাৰৰ দক্ষতা বিকাশ আৰু উদ্যমিতা মন্ত্ৰণালয়ৰ অধীনৰ গুৱাহাটীৰ লালমাটিস্থিত ভাৰতীয় উদ্যমিতা প্ৰতিষ্ঠান চমুকৈ আই আই ইয়ে প্ৰধান মন্ত্ৰী বন ধন যোজনা আঁচনিৰ অধীনত জনজাতি সকলৰ আৰ্থ সামাজিক বিকাশৰ লক্ষৰে তেওঁলোকৰ সকলো ধৰণৰ উৎপাদিত সামগ্ৰী সমূহে যাতে বজাৰ লাভ কৰে তাৰ বাবে কাম কৰি আহিছে । বিশেষকৈ জনজাতি পৰিক্ৰমা মন্ত্ৰণালয়ৰ বিশেষ পৃষ্ঠপোষকতাত আই আই ইয়ে ট্ৰাইচেম নামৰ ব্ৰেণ্ডৰ জৰিয়তে ২০২০ চনৰ পৰা এই পৰ্যন্ত প্ৰধান মন্ত্ৰী বন ধন যোজনাৰ অধীনত প্ৰায় ৩০ টা মান আত্মসহায়ক গোটৰ ৩০০ নিৰ্বাচিত জনজাতি হিতাধিকাৰীক প্ৰশিক্ষণ প্ৰদান কৰিছে । তেনেদৰে তেওঁলোকৰ উৎপাদিত জৈৱিক কৃষিজাত সামগ্ৰী আৰু হস্ততাঁত সামগ্ৰীৰ বিক্ৰীৰ সুবিধাৰ বাবে জনজাতি বসতি প্ৰধান অঞ্চলত বিপনী স্থাপন কৰি আহিছে । ইয়াৰ অংশ হিচাপে আজি গুৱাহাটীৰ কাষৰীয়া দীপৰ বিলৰ গাতে লগা চকৰদৌ কলিতাপাৰাত গড়চুক – আজাৰা সংযোগী পথৰ দাঁতিত উদ্যমী যুৱক তথা দীপৰ বিল সুৰক্ষা মঞ্চৰ সাধাৰণ সম্পাদক প্রমোদ কলিতাৰ উদ্যোগত ট্ৰাইচেমৰ এখন বিপনী মুকলি কৰা হয় । মাংগলিক কাৰ্যৰ মাজেৰে বিপনীখন মুকলি কৰে জনজাতি পৰিক্ৰমা মন্ত্ৰণালয়ৰ অন্তৰ্গত ট্ৰাইফেডৰ ক্ষেত্ৰীয় প্ৰবন্ধক এ ডি মিশ্ৰই। এই উপলক্ষে আই আই ই গুৱাহাটীৰ সঞ্চালক ডঃ ললিত শৰ্মাই আঁত ধৰা চমু অনুষ্ঠানত এ ডি মিশ্ৰই প্ৰধান মন্ত্ৰী বন ধন যোজনা আঁচনি খনৰ বিশদ বাখ্যা দাঙি ধৰে আৰু নতুনকৈ মুকলি কৰা ট্ৰাইচেমৰ বিপনীখনৰ জৰিয়তে হিতাধিকাৰীয়ে উৎপাদন কৰা সামগ্ৰী সমূহে গ্ৰাহক ৰাইজৰ মন জয় কৰিব পাৰিব বুলি আশা প্ৰকাশ কৰে ।অনুষ্ঠানত অসম ভৈয়াম জনজাতি উন্নয়ন পৰিষদ চমুকৈ এ পি টি ডি চিৰ পৰিচালন সঞ্চালক আৰ মালাকাৰে ভাগ লৈ উদ্যমী যুৱক প্ৰমোদ কলিতাৰ শলাগ লয় আৰু আঁচনি সমূহৰ ইতিবাচক দিশ সমূহৰ আলোকপাত কৰে । অনুষ্ঠানত প্ৰধান মন্ত্ৰী বন ধন যোজনাৰ অধীনত আই আই ই গুৱাহাটীত প্ৰশিক্ষণ লাভ কৰা কেবাগৰাকী হিতাধিকাৰী উপস্থিত থাকে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান