প্ৰধানমন্ত্ৰী কিষাণ সন্মান নিধি আঁচনিৰ তালিকাভুক্ত যোগ্য কৃষকসকলৰ সুবিধা হোৱাকৈ কামৰূপ (মহানগৰ) জিলাত আজিৰে পৰা আয়োজন কৰা হৈছে পি এম কিষাণ বিশেষ শিবিৰ৷ জিলা উন্নয়ণ আয়ুক্ত গৌৰী শংকৰ দাসে আজি চন্দ্ৰপুৰ উন্নয়ণ খণ্ডত আয়োজিত শিবিৰ পৰিদৰ্শন কৰে৷ বিষয়াগৰাকীক সংগ দিয়ে চন্দ্ৰপুৰৰ ৰাজহ চক্ৰ বিষয়া কৃষ্ণ অৰ্জুন বৰ্মন, জিলা কৃষি বিষয়া বিমলা প্ৰসাদ দেউৰীয়ে৷ শিবিৰত আজি ডেৰ শতাধিক কৃষকে অংশগ্ৰহণ কৰে৷ এই শিবিৰত সমূহীয়া সেৱা কেন্দ্ৰৰ জৰিয়তে বায়’মেট্ৰিক ই-কে ৱাই চিৰ সুবিধাৰ লগতে জিলা প্ৰশাসনৰ দ্বাৰা নিয়োজিত কৃষি সক্ষী, জীৱিকা সক্ষী, কৃষি বিভাগৰ বিষয়া-কৰ্মচাৰীৰ সহায়ত কৃষকসকলৰ ই- কে ৱাই চি সম্পাদন কৰাৰ ব্যৱস্থা লোৱা হৈছে যাতে আঁচনিৰ কিস্তিৰ ধন তেওঁলোকে অসুবিধা নোহোৱাকৈ পাব পাৰে৷ বিভিন্ন বেংকৰ প্ৰতিনিধিৰ সহায়ত কৃষকসকলৰ বেংক একাউন্টৰ সৈতে আধাৰ নম্বৰ সংলগ্নকৰণৰ লগতে প্ৰত্যক্ষ লাভ হস্তান্তৰৰ বাবে প্ৰয়োজনীয় কাম সম্পাদন কৰাৰ সুবিধাও শিবিৰত আগবঢ়োৱা হয়৷ শিবিৰত ইণ্ডিয়া পোষ্ট পেমেন্টছ বেংকৰ প্ৰতিনিধিৰ সহায়ত প্ৰত্যক্ষ লাভ হস্তান্তৰৰ বাবে সক্ষম আধাৰ সংযুক্ত বেংক একাউন্ট খোলাৰ সুবিধাও প্ৰদান কৰা হয়৷ শিবিৰত কাইলৈও শতাধিক কৃষকে অংশগ্ৰহণ কৰিব বুলি সদৰি কৰে সাতগাঁৱৰ কৃষি উন্নয়ণ বিষয়া প্ৰফুল্ল চহৰীয়াই৷ জিলাখনৰ ডিমৰীয়া উন্নয়ণ খণ্ডৰ অধীনৰ ধূপগুৰি গাওঁ পঞ্চায়ত কাৰ্যালয় আৰু হঁহৰা গাওঁ পঞ্চায়ত কাৰ্যালয় আৰু ৰাণী উন্নয়ণ খণ্ডৰ অধীনৰ ধাৰাপুৰ কৃষি বিষয়াৰ কাৰ্যালয়তো পি এম কিষাণ বিশেষ শিবিৰৰ আয়োজন কৰা হৈছে৷
Trending
- National Lok Adalat & Consumer Awareness Programme on Lok Adalat Organized
- ডিমৰীয়া মহাবিদ্যালয়ত বিশ্ব অ’জন দিৱস ২০২৪ৰ ৰাজ্যিক পৰ্যায়ৰ অনুষ্ঠান
- দিল্লী ৰাষ্ট্ৰীয় ৰাজধানী অঞ্চলৰ গ্ৰেটাৰ নয়ডাৰ ইণ্ডিয়া এক্সপো মাৰ্টত কালিৰেপৰা অনুষ্ঠিত হৈছে চেমিকন ইণ্ডিয়া২০২৪’ সন্মিলন
- Career Counselling Seminar held at ADBU
- এয়াৰটেল ফাইনান্সে আৰম্ভ কৰিছে নতুন আঁচনি
- সুধাকন্ঠৰ সমাধি ক্ষেত্ৰত অনুষ্ঠিত হ’ল স্মৃতি তৰ্পণ অনুষ্ঠান
- জুবলী ফাউণ্ডেচনৰ উদ্যোগত মৃতকৰ অংগদান কৰ্মশালা
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ