ৰাজ্য চৰকাৰৰ সাংস্কৃতিক পৰিক্ৰমা বিভাগৰ উদ্যোগত আয়োজিত বিষ্ণু ৰাভা, জ্যোতি , ভূপেন্দ্ৰ আৰু ৰবীন্দ্ৰ সংগীত প্ৰতিযোগিতাত দক্ষিণ কামৰূপৰ পলাশবাৰী সমষ্টিৰ অন্তৰ্গত হুদুমপুৰ গাঁৱৰ বাসিনদা চুমি কলিতাই জিলা পৰ্যায়ৰ ৰাভা সংগীতত প্ৰথম আৰু ভূপেন্দ্ৰ সংগীতত দ্বিতীয় স্থান লাভ কৰিবলৈ সক্ষম হয়।উল্লেখ্য যে ৰাজ্য চৰকাৰৰ দ্বাৰা আয়োজিত এই প্ৰতিযোগিতাসমূহৰ মূল উদ্দেশ্য হ’ল গাঁৱে -ভূঞে,চহৰে – নগৰে,পাহাৰে – ভৈয়ামে থকা শিল্পী সকলৰ প্ৰতিভাসমূহ বিকাশ কৰা।উক্ত প্ৰতিযোগিতাসমূহ প্ৰথম পৰ্যায়ত পঞ্চায়ত ভিত্তিত অনুষ্ঠিত হৈ যোৱা ১৭ আৰু ১৮ জানুৱাৰীত দদৰাৰ ভৃগু কুমাৰ ফুকন প্ৰেক্ষাগৃহত জিলা ভিত্তিত প্ৰতিযোগিতাসমূহ অনুষ্ঠিত হয়।জিলা পৰ্যায়ৰ প্ৰতিোগিতাত স্থান লাভ কৰা পলাশবাৰীৰ চুমি কলিতাক কালি কামৰূপ জিলাৰ অতিৰিক্ত জিলা আয়ুক্ত আৰু জিলা উন্নয়ন আয়ুক্তৰ উপস্থিতিত বঁটাসমূহ প্ৰদান কৰে।ৰাজ্যিক পৰ্যায়ৰ প্ৰতিযোগিতাসমূহ অচিৰেই অনুষ্ঠিত কৰা হ’ব বুলি জানিব পৰা গৈছে। চুমি কলিতা প্ৰধান শিক্ষক তথা সমাজকৰ্মী অনিল কলিতা আৰু চিত্ৰা কলিতাৰ জীয়ৰী। চুমি কলিতাৰ এই সাফল্যত দক্ষিণ কামৰূপৰ বহু সংখ্যক দল- সংগঠনে শুভেচ্ছা জ্ঞাপন কৰিছে।
Trending
- তিতাবৰত ১১, ১২ মে’ত সপ্তম সদৌ অসম পেনচাক ছিলাট চেম্পিয়নশ্বিপ
- তথ্যচিত্ৰত উদ্ভাসিত হ’ব শতিকা প্ৰাচীন ফাটবিহু
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ