মহাপুৰুষ শ্ৰীমন্তশঙ্কৰদেৱ বিশ্ববিদ্যালয়ৰ উদ্যোগত শিক্ষাৰ ক্ষেত্ৰত যোগৰ প্ৰাসংগিকতা ‘ শীৰ্ষক বিষয়ত যোৱা ২৭ মাৰ্চ তাৰিখৰ পৰা ২৮ মাৰ্চলৈ দুদিনীয়া কাৰ্য্যসূচীৰে ৰাষ্ট্ৰীয় আলোচনা চক্ৰ অনুষ্ঠিত হয় ৷ এই আলোচনা চক্ৰৰ উদ্বোধনী অনুষ্ঠানত অসম যোগৰত্ন সন্মান যোগাচাৰ্য শুভাশীষ ক’ৰলৈ দীৰ্ঘদিন ধৰি উত্তৰ-পূৰ্বঞ্চালৰ বিভিন্ন ক্ষেত্ৰত যোগৰ প্ৰচাৰ আৰু প্ৰসাৰৰ ক্ষেত্ৰত আগবঢ়োৱা বিশেষ অৱদানৰ বাবে প্ৰদান কৰা হয় । এই বঁটা আনুষ্ঠানিকভাৱে প্ৰদান কৰে মহাপুৰুষ শ্ৰীমন্তশঙ্কৰদেৱ বিশ্ববিদ্যালয়ৰ উপাচাৰ্য মৃদুল হাজৰিকাই । যোগাচাৰ্য শুভাশীষ ক’ৰে ১৯৭৮ চনত উমাচল যোগ কেন্দ্ৰত স্বামী শিবানন্দ সৰস্বতীৰ তত্বাবধানত যোগ শিক্ষা গ্ৰহণ কৰি ১৯৭৯ চনত ভাৰতীয় যোগ সংস্কৃতি আৰু যোগ চিকিৎসা কেন্দ্ৰ প্ৰতিষ্ঠা কৰি কৃষ্ণকান্ত সন্দিকৈ মুক্ত বিশ্ববিদ্যালয়ৰ অধীনত কায়াযোগী ডিপ্লমা, যোগৰ স্নাতকোত্তৰ ডিপ্লমা আদি শিক্ষা প্ৰদান কৰি ইতিমধ্যে যোগ শিক্ষাৰ এক বলিষ্ঠ ভেটি গঢ়ি তুলিছে ৷ অসমৰ বিভিন্ন প্ৰান্তৰ যুৱক-যুৱতীয়ে এই শিক্ষা গ্ৰহণ কৰি বিভিন্ন কেন্দ্ৰীয় বিদ্যালয় আৰু আয়ুস মন্ত্ৰণালয় অধীনত বিভিন্ন পদত মকৰল পাবলৈ সক্ষম হৈছে ৷ ইতিমধ্যে যোগাচাৰ্য শুভাশীষ ক’ৰৰ প্ৰত্যক্ষ উদ্যোগত অসমৰ বিভিন্ন জিলাত ৩৫ খনৰো অধিক যোগ শিক্ষা প্ৰতিষ্ঠান গঢ়ি উঠিছে ৷ ভাৰতীয় যোগ সংস্কৃতি আৰু যোগ চিকিৎসা কেন্দ্ৰৰ প্ৰতিষ্ঠাপক সভাপতি যোগাচাৰ্য শুভাশীষ ক’ৰে ২০০৭ চনতেই আৰম্ভ কৰা অসম যোগ দিৱস উদযাপন আৰু ২০১৫ চনৰ পৰা অসম যোগ মহোৎসৱ অসমৰ বিভিন্ন জিলাত অনুষ্ঠিত কৰি প্ৰতিবছৰে এগৰাকী বিশেষ ব্যক্তিক যোগৰ ক্ষেত্ৰত আগবঢ়োৱা বিশেষ অৱদানৰ বাবে ‘ স্বামী শিৱানন্দ সৰস্বতী যোগ প্ৰেৰণা বঁটা’ আৰু যোগৰ পাৰদৰ্শিতা প্ৰসাৰ আৰু প্ৰচাৰ আদি বিষয়ত আগবঢ়োৱা বিশেষ অৰিহণাৰ বাবে বহুজন যোগ সংগঠক, পাৰদৰ্শী আৰু প্ৰচাৰকলৈ যোগ শীৰ্ষক বিভিন্ন বঁটা প্ৰদান কৰি সমগ্ৰ উত্তৰ-পূৰ্বঞ্চালতে যোগৰ এক সুকীয়া বাতাবৰণ সৃষ্টি কৰিবলৈ সক্ষম হৈছে ৷ অসম যোগৰত্ন সন্মান লাভ কৰা যোগাচাৰ্য শুভাশীষ ক’ৰলৈ বিভিন্ন জন আৰু প্ৰতিষ্ঠানে অভিনন্দন জনাইছে৷
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন