অত্যাধুনিক বিলাসী যান-বাহনে নিতৌ ৰাজপথত ভিৰ কৰাৰ সময়তো চাইকেল আৰোহী এগৰাকী নিজৰ পথত নীৰৱে আগবাঢ়ি গৈ থকাটো স্বাভাৱিকতে মন কৰিবলগীয়া দিশ। সদাব্যস্ত ৰাজপথত যিকোনো লোককে নিমিষতে নষ্টালজিক কৰি তুলিব পৰাটো চাইকেল আৰোহীৰ বিশেষ কৃতিত্ব। পথৰ সুৰক্ষা, সেউজ পৰিৱেশলৈয়ো চাইকেল আৰোহীৰ অৱদান কম নহয়। সেয়ে ৩জুনৰ “ৱৰ্ল্ড বাইচাইকেল ডে”ৰ প্ৰাকক্ষণত ৰাজপথত চাইকেল আৰোহীক উপযুক্ত সন্মান, সুৰক্ষা আৰু অগ্ৰাধিকাৰ দিবলৈ যানবাহন ব্যৱহাৰকাৰীক আহ্বান জনাইছে ৰাজ্যৰ পৰিবহণ বিভাগৰ বিশেষ কতৰ্ব্যৰত বিষয়া আৰু অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাসে। তেওঁ কয় যে, প্ৰতিখন চহৰ-নগৰৰ লগতে ৰাজ্যৰ ৰাজধানী গুৱাহাটী মহানগৰীত নিতৌ কেইবালাখ যানবাহন একাধাৰে চলি থকাৰ সময়তো চাইকেল আৰোহীয়ে নিজে অসুৰক্ষিত হৈ থাকিও কাকো অকণো অসুবিধা নকৰাকৈ সুৰক্ষিত যাতায়াত অব্যাহত ৰখাটো যাতায়াত ব্যৱস্থাটোৰ বাবেই এক উল্লেখযোগ্য দিশ। কিয়নো দুচকীয়া বাহন চাইকেলৰ পৰা কেতিয়াও কোনোধৰণৰ ধোঁৱা নোলায়, অৰ্থাৎ চাইকেলে প্ৰদূষণ সৃষ্টি নকৰে, বায়ু প্ৰদূষণ,শব্দ প্ৰদূষণ যিয়ে নহওক লাগে। বৰঞ্চ যান-বাহনৰ অহৰহ মন-মগজুক আঘাত কৰা বহুজাতীয় শব্দৰ বিপৰীতে চাইকেলৰ শব্দই সকলোকে পুলকিতহে কৰি তোলে। মুঠতে ৰাজকোষলৈ কোনো কৰকাটল আগবঢ়াব নোৱাৰিলেও চাইকেলে সকলো যানবাহন ব্যৱহাৰকাৰীক সুৰক্ষা আৰু সেউজ পৰিবেশৰ অনুকৰণীয় আদৰ্শ দেখুৱায়। সেয়ে কাইলৈৰ “ৱৰ্ল্ড বাইচাইকেল ডে”ৰ পৰাই সকলো পথ-যানবাহন ব্যৱহাৰকাৰীকে চাইকেল চলাবলৈ আহ্বান জনাই বিশেষ কতৰ্ব্যৰত বিষয়াগৰাকীয়ে কয় “আহক আমি চাইকেল চলাওঁ, সুৰক্ষিত পথ আৰু সেউজ পৰিৱেশ গঢ়ি তোলোঁ ৷” কিয়নো হৃদযন্ত্ৰৰ স্বাস্থ্য উন্নত কৰাৰ বাবেও চাইকেল চলোৱাটো উৎকৃষ্ট উপায় ৷ নিয়মিত চাইকেল চলোৱা কাৰ্যই হৃদযন্ত্ৰৰ পেশী শক্তিশালী কৰে, জিৰণি লোৱাৰ সময়ত শৰীৰত প্ৰশান্তি দিয়ে আৰু তেজৰ চৰ্বিৰ মাত্ৰা হ্ৰাস কৰে। চাইকেল চলোৱাৰ অভ্যাসে নিজৰ লগতে সমাজখনক সেউজ আৰু সুৰক্ষিত হৈ থকাত সহায় কৰিব। এই সময়ত যানবাহনৰ শব্দ আৰু বায়ু প্ৰদূষণেই প্ৰাকৃতিক পৰিৱেশ অত্যধিক পৰিমাণে কলুষিত কৰি তুলিছে বুলিও তেওঁ গুৰুত্বপূৰ্ণ মন্তব্য কৰে ৷
Trending
- অন্ধ্ৰপ্ৰদেশৰ লোক নিৰ্মাণ বিভাগৰ মন্ত্ৰীৰ পলাশবাৰী – চানডুবি পথ পৰিদৰ্শন – অসম চৰকাৰৰ লোক নিৰ্মাণ বিভাগক ভূয়সী প্ৰশংসা
- ধ্ৰুপদী ভাষাৰ মৰ্যাদা অসমীয়া ভাষা
- এয়াৰটেলে স্পামক ক্ৰেক কৰিলে, স্পাম চিনাক্তকৰণৰ বাবে ভাৰতৰ প্ৰথম AI-চালিত নেটৱৰ্ক চলুশ্বন মুকলি কৰিলে
- ষষ্ঠদশ বিত্ত আয়োগৰ অধ্যক্ষলৈ আপৰ স্মাৰকপত্ৰ-অসমক বিশেষ ৰাজ্যৰ মৰ্যাদা দিয়াৰ দাবী আপৰ
- অসম চুক্তি ৰূপায়ণৰ দিশত অসম চৰকাৰৰ বৃহৎ পদক্ষেপ- মুখ্যমন্ত্ৰীক আনুষ্ঠানিক কৃতজ্ঞতা অগপৰ
- NECTAR Conducts STEM Workshop for Meghalaya Teachers, Boosting Science and Tech Education
- নতুনকৈ সৃষ্টি কৰা উপ-জিলা(সম জিলা)ৰ ভাৰপ্ৰাপ্ত অতিৰিক্ত আয়ুক্ত আৰু সহকাৰী আয়ুক্তৰ সামৰ্থ বৃদ্ধি কাৰ্যসূচীৰ সামৰণি অনুষ্ঠানত মুখ্য অতিথি হিচাপে অংশগ্ৰহণ কৰিলে ৰাজ্য চৰকাৰৰ সাধাৰণ প্ৰশাসন আদি বিভাগৰ মন্ত্ৰী ৰণজিৎ কুমাৰ দাসে
- মেঘালয়ৰ নংপোৰ মাৰাংগাৰত শঙ্কৰদেৱ নামঘৰত এমহীয়া পৱিত্ৰ ভাদ মাহৰ নামৰ সামৰণি -নামঘৰৰ উন্নয়নত সহযোগিতা আগবঢ়োৱাৰ বাবে অসমৰ মুখ্যমন্ত্ৰীক প্ৰশংসা
- কামৰূপ মহানগৰ জিলাৰ পাঁচ স্থানত অৰুণোদয় ৩.০ ৰ শুভাৰম্ভ
- বিশ্বকৰ্মা মূৰ্তি নিমজ্জন প্ৰক্ৰিয়া আয়োজন