আজি তামুলপুৰ উচ্চতৰ মাধ্যমিক বিদ্যালয়ৰ সভাকক্ষত তামুলপুৰ জিলা প্ৰশাসন আৰু তামুলপুৰ খণ্ড উন্নয়ন বিষয়া কাৰ্যালয়ৰ উদ্যোগত “সম্পূৰ্ণতা অভিযান” কাৰ্যসূচীৰ শুভাৰম্ভ কৰা হয়। উল্লেখ্য যে সমগ্র ভাৰতত নিতি আয়োগৰ এক সমীক্ষা মতে, ১১২খন জিলা আৰু ৫০০টা উন্নয়ন খণ্ড প্ৰত্যাশিত জিলা আৰু উন্নয়ন খণ্ড হিচাপে চিহ্নিত হৈছে। সেই অনুসৰি বিটিআৰৰ বাক্সা জিলাখন প্ৰত্যাশিত জিলা হিচাপে চিহ্নিত হোৱাৰ বিপৰীতে তামুলপুৰ উন্নয়ন খণ্ডটো প্ৰত্যাশিত উন্নয়ন খণ্ড হিচাপে চিহ্নিত হৈছে। অৱশ্যে তামুলপুৰ জিলাখন প্ৰত্যাশিত জিলা হিচাপে চিহ্নিত হোৱা নাই। নিতি আয়োগৰ মতে, যিবোৰ জিলা বা উন্নয়ন খণ্ডত আশা কৰা ধৰণে উন্নয়ন হোৱা নাই, সেইবোৰ জিলা বা উন্নয়ন খণ্ডক “প্ৰত্যাশিত” জিলা বা উন্নয়ন খণ্ড হিচাপে চিহ্নিত কৰা হৈছে। ডি আৰ ডি এৰ বিষয়া লাৱণ্য দাসে আঁত ধৰা অনুষ্ঠানটিত মুখ্য অতিথি হিচাপে উপস্থিত থাকি পাৰিষদ হেমন্ত কুমাৰ ৰাভাই কয় “ভাৰতবৰ্ষক যদি বিশ্বৰ এখন বিশেষ ৰাষ্ট্ৰ হিচাপে চিহ্নিত কৰিব খোজো, তেন্তে কিছুমান সৰু সৰু কথাৰ ওপৰত গুৰুত্ব দিব লাগিব। আনকি উন্নয়ন খণ্ড পৰ্যায়ত যিবোৰ কাম পিছপৰি আছে, সেইবোৰক ক্ষিপ্ৰতাৰে আগুৱাই নিব লাগিব। শিক্ষা, কৃষি, স্বাস্থ্য আদি ক্ষেত্ৰবোৰ পিছপৰি থাকিলে আমি আমাৰ ৰাজ্যখনক দেশৰ ৫খন আগশাৰীৰ ৰাজ্য হিচাপে কেতিয়াও গঢ় দিব নোৱাৰিম। তামুলপুৰ জিলা প্ৰশাসনৰ তৰফৰ পৰা অতিৰিক্ত আয়ুক্ত হেমাশ্ৰী খনিকৰ আৰু টিএলচিচিৰ অধ্যক্ষ পৱিত্ৰ নাৰ্জাৰীয়েও আমাৰ জিলা তথা উন্নয়ন খণ্ডটোক শিক্ষা, কৃষি, স্বাস্থ্য, সমাজকল্যাণ আদি দিশত কেনেকৈ আগুৱাই নিব পাৰি, সেই সম্পৰ্কে সাৰুৱা ভাষণ ৰাখে। আজিৰ সভাৰ আৰম্ভণিতে মুখ্য অতিথিকে ধৰি বিষয়াবৰ্গই স্বাস্থ্য, কৃষি আদি বিভাগৰ উপৰি কিছু আত্মসহায়ক গোটে প্ৰদৰ্শন কৰা বিপনীও পৰিদৰ্শন কৰে। আজিৰ সভাখনত পাৰিষদ হেমন্ত কুমাৰ ৰাভাৰ উপৰি দিল্লীৰ নিতি আয়োগৰ যুৱ কৰ্মী হেমাংগিনী চৌধুৰী, তামুলপুৰ জিলাৰ অতিৰিক্ত আয়ুক্ত হেমাশ্ৰী খনিকৰ, সহকাৰী আয়ুক্ত কবিতা ফাংচ’, ভিচিডিচিৰ অধ্যক্ষ পৱিত্ৰ নাৰ্জাৰী, তামুলপুৰ উন্নয়ন খণ্ডৰ উন্নয়ন খণ্ড বিষয়া দেৱকুমাৰ বসুমতাৰী, এবিপি ফেল’ ৰৈশুমৈ বড়ো, বিটিআৰ ফেল’ নিতিৰাজ চহৰীয়া আৰু ৰাখি শৰ্মাৰ উপৰি বিভিন্ন বিভাগৰ বিষয়া-কৰ্মচাৰী আৰু পাঁচ শতাধিক লোক উপস্থিত থাকে বুলি তথ্য আৰু জনসংযোগ বিষয়া বিজয় বেজবৰুৱাই জনাইছে। উল্লেখ্য যে ৪ জুলাইৰ পৰা আৰম্ভ হোৱা সম্পূৰ্ণতা অভিযান অহা ৩০ ছেপ্টেম্বৰত সামৰণি পৰিব।
Trending
- অন্ধ্ৰপ্ৰদেশৰ লোক নিৰ্মাণ বিভাগৰ মন্ত্ৰীৰ পলাশবাৰী – চানডুবি পথ পৰিদৰ্শন – অসম চৰকাৰৰ লোক নিৰ্মাণ বিভাগক ভূয়সী প্ৰশংসা
- ধ্ৰুপদী ভাষাৰ মৰ্যাদা অসমীয়া ভাষা
- এয়াৰটেলে স্পামক ক্ৰেক কৰিলে, স্পাম চিনাক্তকৰণৰ বাবে ভাৰতৰ প্ৰথম AI-চালিত নেটৱৰ্ক চলুশ্বন মুকলি কৰিলে
- ষষ্ঠদশ বিত্ত আয়োগৰ অধ্যক্ষলৈ আপৰ স্মাৰকপত্ৰ-অসমক বিশেষ ৰাজ্যৰ মৰ্যাদা দিয়াৰ দাবী আপৰ
- অসম চুক্তি ৰূপায়ণৰ দিশত অসম চৰকাৰৰ বৃহৎ পদক্ষেপ- মুখ্যমন্ত্ৰীক আনুষ্ঠানিক কৃতজ্ঞতা অগপৰ
- NECTAR Conducts STEM Workshop for Meghalaya Teachers, Boosting Science and Tech Education
- নতুনকৈ সৃষ্টি কৰা উপ-জিলা(সম জিলা)ৰ ভাৰপ্ৰাপ্ত অতিৰিক্ত আয়ুক্ত আৰু সহকাৰী আয়ুক্তৰ সামৰ্থ বৃদ্ধি কাৰ্যসূচীৰ সামৰণি অনুষ্ঠানত মুখ্য অতিথি হিচাপে অংশগ্ৰহণ কৰিলে ৰাজ্য চৰকাৰৰ সাধাৰণ প্ৰশাসন আদি বিভাগৰ মন্ত্ৰী ৰণজিৎ কুমাৰ দাসে
- মেঘালয়ৰ নংপোৰ মাৰাংগাৰত শঙ্কৰদেৱ নামঘৰত এমহীয়া পৱিত্ৰ ভাদ মাহৰ নামৰ সামৰণি -নামঘৰৰ উন্নয়নত সহযোগিতা আগবঢ়োৱাৰ বাবে অসমৰ মুখ্যমন্ত্ৰীক প্ৰশংসা
- কামৰূপ মহানগৰ জিলাৰ পাঁচ স্থানত অৰুণোদয় ৩.০ ৰ শুভাৰম্ভ
- বিশ্বকৰ্মা মূৰ্তি নিমজ্জন প্ৰক্ৰিয়া আয়োজন