ক্ৰীড়া আৰু যুৱকল্যাণ বিভাগৰ ১৭ বছৰ অনু্ৰ্দ্ধৰ ছোৱালীৰ আন্ত:জিলা বিদ্যালয় ফুটবল প্ৰতিযোগিতা

ৰাজ্য চৰকাৰৰ ক্ৰীড়া আৰু যুৱ কল্যাণ বিভাগৰ উদ্যোগত নৃপেন্দ্ৰ নাৰায়ণ সিংহ সোঁৱৰণী ১৭ বছৰ অনুৰ্দ্ধৰ ছোৱালী শাখাৰ আন্তঃজিলা বিদ্যালয় ফুটবল প্ৰতিযোগিতাৰ চুড়ান্ত খেলখন কালি অৰ্থাৎ ২৮ জুলাইত সোণাপুৰ মিনি ষ্টেডিয়ামত অনুষ্ঠিত হয় । চুড়ান্ত খেলখনত কামৰূপ (ম )জিলাৰ হৈ বেতকুছি উচ্চ মাধ্যমিক বিদ্যালয় আৰু মৰিগাঁও জিলাৰ হৈ ঔগুৰি উচ্চ মাধ্যমিক বিদ্যালয়ে প্ৰতিনিধিত্ব কৰে। উত্তেজনাপূৰ্ণ খেলখনত কামৰূপ মহানগৰ জিলাই ৪-১ গলৰ ব্যৱধানত মৰিগাঁও জিলাক পৰাস্ত কৰে আৰু কামৰূপ (ম) জিলাৰ ৭ নম্বৰ জাৰ্চী পৰিহিত মেৰী মেচে শ্ৰেষ্ঠ খেলুৱৈৰ খিতাপ অৰ্জন কৰে । চুড়ান্ত খেলখনৰ বঁটা বিতৰণী অনুষ্ঠানত উপস্থিত থাকে ক্ৰীড়া আৰু যুৱ কল্যাণ বিভাগৰ সঞ্চালক প্ৰদীপ টিমুং, সহকাৰী সঞ্চালক নৱজ্যোতি বসুমতাৰী,আন্তঃৰাষ্ট্ৰীয় বক্সিং খেলুৱৈ যমুনা বড়ো, এনি লামা,আন্তঃৰাষ্ট্ৰীয় ফুটবল খেলুৱৈ দুৰ্গা বড়ো, এল এন আই পি ইৰ জ্যেষ্ঠ অধ্যাপক ড॰ সুৰেন্দ্ৰৰ সিং, সোণাপুৰ মিনি ষ্টেডিয়ামৰ সভাপতি আফতাব হুছেইন, জ্যেষ্ঠ সাংবাদিক মৌচম বৈশ্য আৰু কামৰূপ মহানগৰ জিলা ক্ৰীড়া বিষয়া বন্দিতা গগৈ।