জালুকবাৰী বিধানসভা সমষ্টিত খেল মহাৰণ ২.০ ৰ শুভাৰম্ভ
কামৰূপ মহানগৰ,১৫ নৱেম্বৰ:অসম চৰকাৰৰ ক্ৰী়ড়া আৰু যুৱ কল্যাণ বিভাগৰ উদ্যোগত পাণ্ডু ৰেলৱে ষ্টেডিয়ামত আজি সৰ্ববৃহৎ ক্ৰীড়া সমাৰোহ খেল মহাৰণ ২.০ ৰ উদ্বোধনী অনুষ্ঠানৰ শুভাৰম্ভ কৰা হয়। মুখ্যমন্ত্ৰীৰ বিশেষ কৰ্তব্যৰক্ষী বিষয়া তথা খেল মহাৰণ ২.০ ৰ জালুকবাৰী সমষ্টিৰ অধ্যক্ষ হেমন্ত চৌধুৰীয়ে খেল মহাৰণ ২.০ ৰ শুভ উদ্বোধন কৰে। উল্লেখযোগ্য যে আজি আৰু কাইলৈ দুদিনীয়া কাৰ্যসূচীৰে জালুকবাৰী বিধানসভা সমষ্টিত গাওঁ পঞ্চায়ত /ইউ এল বি/ৱাৰ্ড/ডি চি ডি চি /এম এ চি পৰ্যায়ৰ এই খেল মহাৰণ ২.০ প্ৰতিযোগিতা সম্পন্ন হ’ব। আজি এথলেটিকছ,ফুটবল,কাবাদী,দবা খেল,চাইকেল চলোৱা খেল অনুস্থিত হয়।আজিৰ এই উদ্বোধনী অনুষ্ঠানত জালুকবাৰী সম-জিলা আয়ুক্ত ড০ জীৱন কৃষ্ণ গোস্বামী ,বিশিষ্ট খেলুৱৈ,আগশাৰীৰ নাগৰিক আৰু প্ৰতিযোগিতাত অংশগ্ৰহণকাৰীসকল উপস্থিত থাকে।
