ঐতিহাসিক বটদ্ৰৱা থান তথা মহাপুৰুষ শ্ৰীমন্ত শংকৰদেৱৰ জন্মভূমিত পৰম্পৰাগত ভাৱে উদযাপিত হৈ অহা শ্ৰীকৃষ্ণৰ দৌল যাত্রা মহোৎসৱ আৰম্বৰপূৰ্ণ ভাৱে অনুষ্ঠিত কৰাৰ উদ্দেশ্যে থান পৰিচালনা সমিতিয়ে প্ৰস্তুতি অব্যাহত ৰাখিছে। ইতিমধ্যে ধৰ্মীয় উপ সমিতি, প্ৰশাসনিক উপ সমিতি, মেলা-বজাৰ উপ সমিতি, প্ৰচাৰ উপ সমিতি, ৰভা-তোৰণ উপ সমিতি, সাংস্কৃতিক উপ সমিতি, বিজুলী আৰু পানী যোগান উপ সমিতি, স্মৃতিগ্ৰন্থ উপ সমিতিকে ধৰি ১৫ খন উপ সমিতি গঠন কৰি পূৰ্ণ গতিত কাম কৰিছে। আজি বটদ্ৰৱা থানৰ সভাগৃহত থান পৰিচালনা সমিতি আৰু উপসমিতিৰ আহ্বায়ক, সদস্য সকলৰ মাজত এখনি গুৰুত্বপূৰ্ণ সভা অনুষ্ঠিত কৰি পাঁচ দিনীয়াকৈ অনুষ্ঠিতব্য দৌল উৎসৱটি মহা আৰম্বৰপূৰ্ণভাৱে উদযাপনৰ সিদ্ধান্ত গ্ৰহণ কৰে। থান পৰিচালনা সমিতিৰ সভাপতি যোগেন্দ্ৰ নাৰায়ণ দেৱ মহন্তৰ সভাপতিত্বত অনুষ্ঠিত সভাত দৌল মহোৎসৱৰ প্ৰচাৰ সূচী ভাগ আনুষ্ঠানিক ভাৱে উন্মোচন কৰি ৰাইজলৈ আগবঢ়াই দিয়ে। তাৰ আগেয়ে দিনৰ ১১.৩০ বজাত পৰম্পৰাগত নিয়মেৰে প্ৰচাৰসূচীভাগ কীৰ্তন ঘৰত শৰাইত আগবঢ়াই সমিতিয়ে আশৰ্বাদ গ্ৰহণ কৰে। সভাত থান পৰিচালনা সমিতিৰ উপ সভাপতি অম্লানজ্যোতি দেৱ গোস্বামী, কাৰ্যকৰী সভাপতি প্ৰভাত কলিতা, সাধাৰণ সম্পাদক টিকেন্দ্ৰজিৎ গোস্বামী, কাৰ্যনিবাহক মানিক বৰা, ৰাহুল দেৱ বৰদলৈ, কল্যাণ কলিতা, পদুম কলিতাকে ধৰি সদস্য সকল উপস্থিত থাকে। উল্লেখ্য যে পাঁচ দিনীয়াকৈ অহা ১৩ মাৰ্চৰ পৰা ১৭ মাৰ্চলৈ অনুষ্ঠিত হ’বলগা ৰঙৰ উৎসৱলৈ অসমৰ বিভিন্ন ঠাইৰ পৰা অগণন ভক্তপ্ৰাণ ৰাইজৰ সমাগম হোৱাৰ আশা কৰা হৈছে।
Trending
- কৃত্ৰিম বুদ্ধিমত্তাৰ জৰিয়তে ৩.২ বিলিয়ন ডলাৰৰ ষ্টাৰ্টআপৰ বাবে টেষ্টিং আন্তঃগাঁথনি নিৰ্মাণ অসমৰ ছাত্ৰৰ
- এয়াৰটেল ইনছাইডাৰৰ জৰিয়তে গ্ৰাহকে লাভ কৰিব ৩০,০০০ টকাতকৈ অধিক মূল্যৰ বিশেষ সুবিধা
- ৰাষ্ট্ৰীয় প্ৰেছ দিৱস উপলক্ষে গুৱাহাটী প্ৰেছ ক্লাবত আন্তঃ সংবাদ মাধ্যম কুইজ প্ৰতিযোগিতা
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ