গিৰিজানন্দ চৌধুৰী বিশ্ববিদ্যালয়ত দ্বিতীয় লেক্স ইম্পেৰিয়াম মুট কোৰ্ট প্ৰতিযোগিতা সম্পন্ন

গুৱাহাটীৰ পশ্চিম প্ৰান্তৰ আজাৰাস্থিত গিৰিজানন্দ চৌধুৰী বিশ্ববিদ্যালয়ৰ উদ্যোগত ২৫ এপ্ৰিলত দ্বিতীয় বাৰ্ষিক লেক্স ইম্পেৰিয়াম মুট ‎কোৰ্ট প্ৰতিযোগিতাখন সফলতাৰে অনুষ্ঠিত হৈ যায়। উত্তৰ পূবৰ বিভিন্ন প্ৰান্তৰ শিক্ষা প্ৰতিষ্ঠানৰ পৰা অহা মুঠ ২২ টা দলৰ ৬৬ ‎গৰাকী আইনৰ শিক্ষাৰ্থীয়ে এই প্ৰতিযোগিতাত অংশগ্ৰহণ কৰি নিজৰ আইনী দক্ষতা প্ৰদৰ্শন কৰে। ‎বিশ্ববিদ্যালয়খনৰ চেণ্টাৰ ফৰ লিগেল ষ্টাডিজৰ ডীন ডঃ নিজুমণি দাসে এই সমগ্ৰ অনুষ্ঠানটোৰ সমন্বয়ক হিচাপে ‎দায়িত্ব পালন কৰে। অনুষ্ঠানৰ আৰম্ভণিতে আদৰণি ভাষণ প্ৰদান কৰে এছ এছ এৰ সভাপতি যশোদা ৰঞ্জন দাস, গিৰিজানন্দ ‎চৌধুৰী বিশ্ববিদ্যালয়ৰ আচাৰ্য অধ্যাপক জয়ন্ত ডেকা আৰু উপাচাৰ্য অধ্যাপক কন্দৰ্প দাসে । অনুষ্ঠানত মুখ্য অতিথি হিচাপে উপস্থিত থাকি গুৱাহাটী উচ্চ ন্যায়ালয়ৰ ন্যায়াধীশ কৌশিক ‎গোস্বামীয়ে ভাষণ প্ৰসংগত ছাত্ৰ-ছাত্ৰীসকলক উদ্দেশ্যি কয় যে মুট কোৰ্ট কেৱল এখন প্ৰতিযোগিতা ‎নহয় , এয়া আইনৰ ক্ষেত্ৰখনত ভৱিষ্যত জীৱনৰ বাবে কৰা এক আখৰাহে। আদালতত সততা আৰু সঠিক ‎প্ৰস্তুতিৰ ওপৰত গুৰুত্ব দিবলৈ সকলোকে তেওঁ পৰামৰ্শ দিয়ে। উদ্বোধনী অনুষ্ঠানৰ পিছতেই প্ৰতিযোগিতাৰ প্ৰাৰম্ভিক পৰ্যায়ৰ খেলসমূহ আৰম্ভ হয়। উচ্চ ন্যায়ালয়ৰ অধিবক্তা আৰু ‎অসমৰ বিভিন্ন আইন মহাবিদ্যালয়ৰ অধ্যাপকসকলে বিচাৰক হিচাপে অংশগ্ৰহণকাৰীসকলৰ যুক্তি আৰু প্ৰস্তুতি ‎নিৰীক্ষণ কৰে। দুপৰীয়ালৈ এই প্ৰতিযোগিতাৰ পৰা ৬ টা দলক ছেমি ফাইনেল পৰ্যায়ৰ বাবে নিৰ্বাচিত কৰা হয়। ‎ইয়াৰ পিছত চূড়ান্ত খেলখন বিশ্ববিদ্যালয়ৰ মুট কোৰ্ট হলত অনুষ্ঠিত হয়, য’ত শীৰ্ষ দুটা দলে নিজৰ আইনী যুক্তি ‎তৰ্ক উপস্থাপন কৰে। গুৱাহাটী উচ্চ ন্যায়ালয়ৰ জ্যেষ্ঠ অধিবক্তা ডঃ খ্যাদউদ্দিন আহমেদ আৰু অধিবক্তা কিশোৰ ‎কলিতাই চূড়ান্ত পৰ্যায়ৰ বিচাৰক হিচাপে দায়িত্ব পালন কৰে। প্ৰতিযোগিতাৰ অন্তত জে বি আইন মহাবিদ্যালয়ৰ অগস্ত্য কাশ্যপ, জিষ্ণু প্ৰতিম কাশ্যপ আৰু প্ৰজ্ঞান পাটোৱাৰীৰ ‎দলটোৱে শ্ৰেষ্ঠ দলৰ বঁটা লাভ কৰিবলৈ সক্ষম হয়। ইয়াৰোপৰি জিষ্ণু প্ৰতিম কাশ্যপে শ্ৰেষ্ঠ মুটাৰৰ সন্মান লাভ ‎কৰে। গুৱাহাটীৰ এন ই এফ আইন মহাবিদ্যালয়ৰ দলটোৱে প্ৰতিযোগিতাত ৰানাৰ্ছ আপ খিতাপ অৰ্জন কৰে। প্ৰতিযোগিতাৰ অন্তত বিজয়ী সকলক বঁটা আৰু ‎ ট্ৰফী প্ৰদান কৰা হয়।