২৭ ডিচেম্বৰ মঙলবাৰে বিয়লি ৩ বজাত দিছপুৰ প্ৰেছ ক্লাৱত আয়োজন কৰা এক গ্ৰন্থ উন্মোচনী অনুষ্ঠানত এজন অসমীয়া উদ্যমীৰ সংগ্ৰামৰ কাহিনীৰ আধাৰত লেখিকা তথা শিক্ষয়িত্ৰী পল্লৱী নেওগ বৰাৰ দ্বাৰা ৰচিত উপন্যাস সপোনৰ ঠিকনা বিচাৰি কিশলয় শীৰ্ষক উপন্যাসখন উন্মোচন কৰা হয়৷ সাহিত্যিক- বিশিষ্ট অনুবাদক বিপুল দেউৰী,উদ্যোগ আৰু বাণিজ্য বিভাগৰ অৱসৰপ্ৰাপ্ত অতিৰিক্ত সঞ্চালক প্ৰফুল্ল কুমাৰ শইকীয়া,কটন বিশ্ববিদ্যালয়ৰ অধ্যাপিকা ড° জোনালী দেৱী,লেখিকা তথা সমাজ সেৱিকা স্বপ্নালী মহন্তই উন্মোচন কৰে৷গ্ৰন্থখন প্ৰকাশ কৰিছে অসমীয়া ভাষা আৰু ছফ্টৱেৰ বিকাশ কেন্দ্ৰৰ হৈ অনিল বৰুৱাই৷এগৰাকী সংগ্ৰামী যুৱক তথা আৰ্বান প্ৰ’টিন ব্ৰেণ্ডৰ প্ৰতিষ্ঠাতা ,উত্তৰ-পূৰ্বাঞ্চলৰ ডিফেঞ্চ টেলিকমিউনিকেশ্যনৰ একমাত্ৰ অসমীয়া ব্যৱসায়ী কুশল ডেকাৰ জীৱন কাহিনীৰ জুমুঠিৰে ৰচিত এই উপন্যাসখনৰ পৃষ্ঠাৰ সংখ্যা ২৪৮৷পিংকি মালাকাৰে আঁত ধৰা উক্ত গ্ৰন্থ উন্মোচনী অনুষ্ঠানত বিশিষ্ট অতিথি হিচাপে গুৱাহাটী উচ্চ ন্যায়ালয়ৰ উচ্চ পদস্থ বিষয়া হেমন্ত নেওগ, অধ্যাপিকা-লেখিকা স্মৃতিৰেখা ভূঞা,সংগীত শিল্পী অহিৰ ভৈৰৱ ,প্ৰাণজিৎ শইকীয়া,সুৰভি নেওগ,শেখৰ মজুমদাৰ আদি উপস্থিত থাকে৷